BERHEM LATÎF / SILÊMANÎ/ROJNEWS
Endamê Konseyê Serekîya Pêroyî yê KCKyî Dîyar Xerîb 5ê Temmuze de netîceyê hêrişê dewleta tirkî de şehîd bibi. Waye Lave Xerîb û Birayê ci Armanc Xerîbî derheqê cuya Xerîbî de qisey kerdî û bale antî şexsîyetê Xerîbî ser.
Lave Xerîbe qala domanîya Dîyar Xerîbî kerde û wina va: “Dîyar Xerîb domanêko zaf biaqil bi û ruhê têkoşîndayoxî ci de estbi. Wexto ke beşdarê gerîla bi, hetê fîzîkî de mi ra dûrî kewt, labelê hetê manewî de hertim hetê mi de bi. Ma zaf berîya ci kerdêne. Key biameyêne zîyaretê ma, ma goşdarîya ci kerdêne. Şexsîyetê ci zaf bihêz bi.”
Waya ci va ‘Dîyar Xerîbî heme heyatê xo seba Kurdan feda kerd’ û wina dewam kerde: “Ma wazenî ke wa heme Kurdî rayîrê Dîyar Xerîbî bişopnî. Seba ke gonîya Kurdan veng ra nêrijîyo, ganî Kurdî bibî yewe. Wayîrvejîyayîşê şarî seba ma zaf muhîm o. Ma vînenî ke Ewropa û Rojawan de vîrardişî yenî viraştene, no seba ma çîyê îftîxarkerdişî yo.”
Ganî ma armancê şehîdan bica bîyarî
Armanc Xerîbî zî va ‘wexto ke Kuveyt hetê rejîmê Baasî ra ame dagîrkerdene, ekonomîya Îraqî bîye xirabin û ez û Helmet ma pîya Silêmanî de xebetîyayî’ û wina domna: “Dima ra serewedarnayîş dest pêkerd. Birayê mi kerdişê sporî ra zaf hes kerdêne. Zaf reyan ma pîya şîyêne maç temaşe kerdêne. Kamcîn wext ma yewbînan bidînê, mi ra waştêne ke ez biagêra welat. Dîyar Xerîb tena keyeyî ra nêqerfîya, şarêk ra zî cîya bi. Ganî ma armancê şehîdan bica bîyarî û Kurdîstano azad awan bikerî.”