Fermandara Hêzê Azadîye ya Yewbîyayîşî Aynur Ada ard ziwan ke AKP û Erdogan semedê ke têkîlîyê xo ya lêmin bilimino, ser hêrişê Kurdistan û Tirkîyaye kenî û wina domna: “Ma qadê têkoşînî ya şarê kurd sey meterîsê şorişê Tirkîyaye veynenî û têgêrayîşê ke semedê ke têkoşînê nêy meterîsan gird bikerî xo rê esas gênî. Heta ke têkoşînê azadîye ya şarê Kurdistanî bibo, ma inan reyde do têbigêrî. Azadîya ma yewbînan ra cîyayêr nîyo.
‘Cenazeyan ra terseni’
Ada verdewamîya qalîkerdişê xo de ciresna ke vindarnayîşê cenazeya embazê înan Azîz Guler (Rasîh Kurtuluş) a bi bira Komîsyonê Wezîran a ser sîndorî, nîno qebulkerdiş û wina vat: “AKP semedê ke cenazeya ma ra tersena, nêverdana cenazeye bêro vîyarnayîş. Embaz Azîz nîşaneya şênber a raybazê ma yê hemverê faşîzmê AKPe û çeteyê DAIŞî yo. Embaz Azîz ravêreyeya şorişê Rojawanî de wezîfeyê muhîm ard ca. Ma do hesabê embaz Azîz û heme embazan înan ra bipersî.”
‘Dewlet qedêna’
Ada bal ant ser tersê dewleta tirke û wina domna: “Dewleta tirke 24’ê temmuze de hemverê qadê gerîlayan dest bi hêrişê topyekunî kerd. Dewleta tirke di eslê xo de bi nêy hêrişan derbê tewr gird dayo hêvîya aştîye ra. Dewlet xora vernîya nêy hêrişan bira şerî qirewtbî. Vernîya weçînayîşî de bi desan ray hêrişê HDPe amey kerdiş. Ma sereyê de hesabê hêrişê hovane ya li ser ciwananê SDGFe û heme qirkerdişan do dewleta tirke ra bipersî.”Ada qalîkerdişê xo de bal ant ser Fîlîstînî sero û qalîkerdişê xo wina peynî kerd: “Filîstîn-Lubnan semedê şorişgeran verê ameynê çi mana se, eyro Rojawan zî nika yeno aye manaye. Tena Rojawan qadeke paştîkarîya enternasyonalîst nîyo, heme qadê Rojawan û heme cayê Kurdistanî semedê ma cayê stratejîk o û heta ke şarê kurd azad bibo, ma do hetê şarê kurd de bibî.”