Kalkan’î hayr ant kiştişê Tahîr Elçî ser û aşkere kerd ke, hesabê kiştişê Elçî do bîro perskerdin. Derheqê babeda xendek û barîkatan de zî Kalkan’î va, şarê Kurd verra faşîzmê dewleta Tirk bi xendek û barîkatan xo paweno û verra terorê dewlet vengê xoverdayen da.
Hesabê kiştişê Elçî do pers bibo!
Duran Kalkan o ke roja Dişembe tewrê Med Nûçe bi, malbatê Tahîr Elçî û pêrokîn şarê Kurd rê serweşî waşt û hayr ant şexsiyetê Elçî ser. Kalkan’î aşkere kerd ke, Elçî verra heme êrişanê dewleta Tirk bêveng nêmend û wina va: Lazimbi, heme welatperwer û roşnîkaran Tahîr Elçî teniya nêternayê bî. Hinî lazimo kes moralê xo nêxeripno. Eno sîstemê faşîst ê dewleta Tirk do birijiyo. Çiyê 24’ê Tîrmeh ra hetanî kiştenê Tahîr Elçî biyê zî, damûsnenê ke, zîhniyetê faşîstî ê Tirko vinî bikiro. Wa herkes jî nay bizano: Hesabê kiştenê Tahîr Elçî do pers bibo.
Kalkan’î eleqe ant xoverdayişê Bakurê Kurdistan’î ser û vat: Şarê Kurd bi xendek û barîkatan verra faşîzmê dewleta Tirk xo ver dano. Bi ê xendekan ganê xo, vera terorê dewlet paweno. Ez veng dana ê kesê ki xendekan rexne kenê: Wa bi xo şirê wija û bi çimanê xo bivînê xendekan û barîkatan pey de kam ca gêno. Pey ê xendekan de, 7’î ra, hetanî 70 serre welatijî ca gênê û xo komkiştenanê AKP ra pawenê. Kalkan’î ard ziwan ke verra zalim û zilmkaran pawitin heqê do rewa yo.
Kalkan’î vist vîrî ke AKP eşkere vana ‘ezo şima bikişa’ û wina vat: AKP wazena heme Kurdan bikişo. Nay eşkere eşkere jî vana. Cok ra lazimo heme şoreşger û quwetê demokratîkî, vera enê faşîzmê AKP, bloqê antî-faşîst ronê. Bi na bloqî heme demokrat, cenî û gencanê Tirkiye gune werzerê pay. Gerek qe jew kes, teslîmê faşîzmî nêbo û verra faşîzmî xoverdayişî esas bigîro. Peynî de, xoverdayişê mayo serbikewo. Vera faşîzmê AKP, teniya jû ray esta, a jî berzkerdinê xoverdayişo.
NAVENDÊ XEBERAN