Di Tirkîyayê de do 7’ê hezîranî de weçînayişê ke dîrokî bibo, sifteyin di Kurdistan, Anatolya û Tirkîyayê de kurd, tirk, elewî, sunî, êzidî, çerkes û şarê bindestê yew weçînayiş pêroyin de rayê bişuxulnê, no ser zî şuxulnayişê rayan zaf bi muhîm o.Di Kurdistan, Anatolya û Ewropayê de kedkar, maxdûrê rejîma faşîst a 12’ê Êlulê, sosyalîst, demokrat û kurd est î, no zî potonsîyela HDP a rayê yo. Di Ewropayê de tewr zaf rayê do HDP bivejno, eke di Ewropa û Kurdistanî de HDP partîya sifteyin bivejîyo, çew şaş nêmano. 12’ê Êlulê ra nika verba faşîstîya Tirkîyayê tewr weş têkoşîn di Ewropa û Kurdistanî de yena dayiş. Hewna lîsteyê HDPê 268 namzedê cenîyê est î. Bi no taybetî ya xo zî heme sazîyê cenîyê ra HDP hetkarî gêna. Heme cenîyan zaf bi vate lîsteyê HDPê vînenê û cenîyan wazenê heme partîyan seba cenîyan xebatî ke taybet bikerî. Cenîy nika heme cayê est î la belê di sîyasetî de rol û mîsyonê cenîyê zaf nîyo. Polîtîkayê ke HDP seba cenîyan aver bena zaf bi muhîm o. Êdî omidê cenîyan HDPê ra est a.
Partîya heme şaran
Namzedê HDP a Amedî Edîp aşkera kerd ke HDP partîya dîrok ra hesappersayişo, merdim demo ke çalakîyê merdime vîndîyan ra ewnîyeno, çalakîyê înan dîmenê Tirkîyayê yo, dewleta Osmanlî ra nika dewleta tirk her tim ser kurdan polîtîkayê terteleyê şuxulnayo û wina vat: “Nika bi hezaran merdimî, merdimê xo vîndîyê gêrenî la nêeşkîyay esteyê merdimê xo daxî bivînî. Hîna nika di Dêrsimî de esteyê maxdûrê terteleyê ame vînayiş. Na rewş dîmenê cuyayişê ma yo û no ser zî ganî ma verba na pergala faşist têkoşîn bidê û rayîrî na têkoşînê zî demokrasî ra vîyareno.”
Mazluman ra nika
Berk dîyar kerd ke Mazlum Dogananan ra nika belkî kurdîy destê xo çekê girewtî la esil têkoşîna kurdan di warê sîyasetî de yo la her tim dewlet polîtîkayê terorîzekerdişî ser şarê kurd şuxulna û wina dewam kerd: “Şarê kurd zî qet fek têkoşîna xo demokratîk ra fek vera nêda û no ser zî nika şarê kurd kamîya xo û yew statuyê ra wayîr o. Nika têkoşîna kurdan ser lazimo ke mekaqanûnê tirk ganîyo ke bibedilyo. Dewleta tirk waşt bi terteleyan kurdan biqedîno la nêeşkîya no ser zî nika dewleta tirk tepa gamê eşt, çimkî şarê kurd bi têkoşîna pergala dewletê bedilna. HDP yewîtîya heme şaran a, kam merdim eke rûmetî xo ra wayîr vejîyeno se û azadî wazîyeno se keye nişana nê şaran HDP o. HDP bi polîtîkayê xo demokratîk reyde heme heq, kultir û hunerî ra şaran ra do wayîr bivejîyo.”
Edîp Berk kam o?
Namzedê HDP a Amedî Edîp Berk serra 1965’ê di Hênî ya Amedî de ameyo dinya. Berk di zaravayê kurdî kurmancî û kirmanckîyê weş zaneno. Cuyayişê Berk di dewa Mermerî ya Amedî de vîyarto. Berk di domantîyê xo de şorişgerîya Denîz Gezmîş û embazê ci ra şahîd bîyo no emir ra nika sîyasetî eleqa mojnayo. Yew roj pîyê xo ra seba tirk î, nê tirk î ser pers persayo û pîyê ey zî ey ra lepat eşt o û vato; lajê min ma kurd î. Berk di cuyayişê xo de her tim verba polîtîkayê dewletî yê asîmîlasyonî têkoşîn dayo. Berk perwerdeyî yê xo ya mîyan û lîseyî di Amedê de temam kerdo û peynî zî zanîngeha Enqereyî ra gireda beşa sîyasetî qedînayo. Berk HEP ra hetanê nika heme partîyê kurd de û sazgehîya MKMê de ca girewto. Tewr peynî Berk di rayedarîya Kurdî-Derî de ca girewto. Di zanîngehî de Berk seba xo averberdişê taybetê babetê ekonomî, sîyaset, huner û kultirî ser xebatan kerdo. Berk serra 1990’ê xo de sifteyin pirtûkê xo ‘Olu bi kadınla soyleşî’ (Cenîyek mergî reyde teraqnayiş) nuşto. Berk no pirtûkê xo seba Zekî Alkan (Di Newrozê de seba Rayver Apoyê xo veşnabi) nuşto û Berk di no pirtûkê xo de zey Zekî Alkan reyde qise keno.