Heskîf bajarêko tarîxî yo û nizdîyê 12 hezar serrî kehen o. Heskîf bi viraştişê Barajê Ilisû ver hewl dîyeno binê awe de bimano. Heskîf de seba ke eserê tarîxî bêrî kiriştene, pirdêk ameyo viraştene û yeno dîyayene ke o pird vernîya vîyartişê maseyan de asteng o.
Viraştişê pirdî ra dima hetê berzîye de cîyayî virazîyaya û maseyê ke hewl danî şêrî cor, nêşenî şêrî. Maseyê ke nêşenî şêrî, awe ser o asenî û merdim şêno înan destan reyde bitepişo. Bi aşman o ke na rewşe wina ya û heta nika no het de çîyêk nêameyo kerdene.
Pirdo ke Çemê Dîcle ser o û kîlometreyêk dûrê bajarê tarîxî de ameyo viraştene, cuya gandaran rê tehluke virazeno. Êdî îmkanê hetê corî ra şîyayîşê maseyan nêmendo. Her di hetanê pirdî hetê berzîye de eynî nîyo û cok ra awe zaf şîpin a. No semed ra maseyî linga pirdî de kom bîyî. Herçiqas ke qedexeyê tepiştişê maseyan esto zî bi hezaran maseyî ameyî tepiştene. Herême de ti tedbîrî nînî girewtene û no zî bala merdimî anceno.
MA / ÊLIH