Bi armanca şermezarkirina komploya navneteweyî ya li dijî Rêberê Gelê Kurd Abdullah Ocalan, li bajarên Aarau û St. Gallenê yên Swîsreyê çalakî hatin lidarxistin. Di van çalakiyan de ji Ocalan re azadî hate xwestin.
Bi pêşengiya meclîsa jinan a Rojbînê, Kurdan û dostên wan, li gara trenê ya Aarauyê mîtîngek kir.
Çalakî, di kesayetiya Umît Acar ê ku Li Elmanyayê ji bo protestokirina tecrîdkirina Ocalan bedana xwe dayî ber êgir û şehîd bûyî, bi rêzgirtinê dest pê kir.
Di çalakiyê de pankarta li ser nivîsandî “Ji Ocalan re azadî” û posterên Ocalan hatin hilgirtin. Piştî daxuyaniyan nêzî nîv saetê çalakiya rûniştinê pêk hat. Di çalakiyê de dirûşmeyên, “Terorîst Tirkiye, Kujer Erdogan!” hatin gotin.
Hûn nikarin roja me tarî bikin
Li bajarê St. Gallenê jî, li meydana Bernplatzê pankarta li ser “Ji Ocalan re azadî, ji Kurdistanê re statu” nivîsandî, hatin rakirin û bêbextiya navneteweyî hate şermezarkirin.
CDK ya St. Gallenê plansaziya bi dirûşmeya, “Hûn nikarin roja me tarî bikin!” jî li bvi reşkere kir û banga beşdariyê li her kesî kir.
Dem û dîroka çalakiyên li St. Gallenê wiha ye:
- 25’ê Cotmehê roja Pênçşemê saet 17.00-19.00’an
- 8’ê Mijdarê roja Pênçşemê saet 17 00-19.00’an
- 22’ê Mijdarê roja Pênçşemê saet 17 00-19.00’an
- 6’ê Kanûnê roja Pênçşemê saet 17 00-19.00’an
- 20’ Kanûnê roja Pênçşemê saet 17 00-19:00´an
ST. GALLEN/AARAU