Vera hêrişê dagîrkerîya artêşa Tirk û çeteyanê ci de seranserê Ewropa de çalakîyê protestoyî yenî kerdene. Bi hezaran kesî welatê sey Almanya, Hollanda, Swêd, Fransa, Swîsre û sewbîna cayan de vejîyayî raşteyan, hêriş û dagîrkerîya artêşa Tirk û çeteyanê ci protesto kerdî.
Bajaranê Munîh, Bremen, Hamburg, Freîburg û Heîlbornî yê Almanya de bi seyan kesî beşdarê çalakîyan bîyî û çalakgêran bale ante sucê ke hetê dewleta Tirk û çeteyanê ci ra ameyî kerdene ser. Çalakîyan de ‘Ma piştîdayîşyewbînanê Enternasyonalî gird bikerî’, ‘Terorîst Erdogan’ ‘Qatilê domanan Erdogan’ û sewbîna ameyî eştene. Çalakîyan de ame waştene ke wa hêrişî demêko raver bivinderî.
Reyna ciwananê enternasyonalan zî Cenevreya Swîsre de vernîya awanîya Milletê Yewbîyayeyî de çalakîyêke viraşte û bêvengîya Milletê Yewbîyayeyî protesto kerde. Ciwanan hêzanê mîyanneteweyî ra waşt ke wa vera hêrişanê artêşa Tirkî de bivinderî.
Cinî û domanî çalakîye de bîy
Heto bîn de cinî domanan zî bajarê Marsîlya yê Fransa de hêrişan protesto kerdî. Çalakîye de fotografê domanê ke hêrişan ver merdî ameyî kiriştene û pankarto ke ser o ‘Dewleta Tirkî Rojawan de fosfor bikar ana’, ‘Bêvengîya şima ma kişena’ û sewbîna ameyî akerdene û postere Hevrîn Xelefe ame akerdene.
BRUKSEL