Bexçeyê Hevsel û Newala Dîcle sey ‘cayê rekreasyonî yo taybet’ ameyî îlankerdiş û dormeyê cayê tarîxî bîyo sey ocaxê kum û kerrayan. Cayê tarîxî bin nameyê bajarvanî de yenê betonkerdiş û tarîx ser de awanî yenê viraştiş. Gandarê awa Dîcle zî rijnayîş û eşteyê Sanayîya Organîze ver çinbîyayîşî reyde rî bi rî yî. Amed de reya yewine nîyo ke tarîx yeno rijnayîş. Bexçeyê Hevsel û Newala Dîcle de 184 tewir mîlçikî, endemîk û bihezaran mîkroorganîzmayî estî. Bexçeyê Hevselî verê cû cayê koçkerdişê mîlçikan bî, la nika bin nameyê projeyê Newala Dîcle de îmarî rê ame akerdiş û viraştişê 3 HESan yenî plankerdiş. Reaksîyonê şaran ra dima projeyî ameyî betalkerdiş.
Kapîtalîzm çin keno
Hukmatî seba îmaran her tewir raybazan kerd dewre. Netîceyê reaksîyonan de projeyê cayê taybetin ameyî îlankerdiş û Kirklardagi ser de awanîyî ameyî viraştiş. 2 çimê On Gozlu zî bi harfîyatan ameyî girewtiş û wayîrê dikanan rê ame pêşnîyazkerdiş. Babete ser o Ekolojîst Guner Yalçine qisey kerde.Ekolojîst Guner Yalçine derheqê rijnayîş û talankerdişê cayê tarîxî de wina va: “Tîya cayê îstîmlaqkerdişî nîyî û ganî nêrî talankerdiş. Kapîtalîzm wazeno ke kulturê komelî çin bikero û pîyacuyayîşê şaran asteng bikero, bi no hawa zî estena xo bidomno. Cayê tarîxî seba ke bi hawayo asan bêrî rijnayîş, yenî akerdiş û teslîmê sermayedaran yenî kerdiş.”
ŞÛJIN/AMED