Musil de eskerê tirk
Serokkomar û Serokwezîrê Iraq nêrazîbiyayişê tûj mûsna enê kerdenê dewleta Tirk. Haydar El Ebadî vistvîrî ke, xebera înan rîştina lejkeranê Tirk ra çinîya û vat: Eke Tirkiye 48 saetan miyan de lejkeranê xo nêanco, mayê muracadê Konseyê Rayverîn ê Jûbiyena Miletan ra piya, xeylê cayan bikerê.Tirkiye îdîa kerd ke, ser wastenê Wezîrînê Pawiten ê Iraq’î, înan lejker û tanqî serva-qandê perwerde rîştê Mûsil. La belê wezîr Halîd El Obeydî eleqe ant amorê lejkeranê Tirk ser û vat: Hendayê lejkerî semedê-qandê perwerdey zafê.
Heta bîn ra, dewleta Tirk ser nêrazîbiyenê girdî, peyser gam eşt. Serokwezîrê Tirk Ahmet Davutoglu Serokwezîrê Iraq Haydar El Abadî rê jû mektûb rîşt. Davutoglu ancî-reyna îdia kerd ke, înan serva-qandê perwerde lejkerî riştê û bi hesas nezdiyê serdestînê Iraq û jûwîna hardê Iraq benê. Davutoglu’yo ke, desteg dano çeteyanê DAIŞ, îdia kerd ke, ê verra DAIŞ desteg danê Iraq. Serokwezîrê Tirk îdîa kerd ke, hetkarînê Tirkiye û Iraq heveyê hetan hêrs-eciz kena û Iraq ra wast ke, destûr nêdê ke, kesê hetkarîna înan ra eciz benê, biresê hedefê xo.
Barzanî şino Enqera
Heta bîn ra Serokê Herêma Başûrê Kurdistanî Mesût Barzanî ser wastenê rayveranê dewleta Tirk, roja çarşeme şino Enqera.Bi sebebê Tirkiye bi seyan lejker û bi desan tanqî rîştî Mûsil, tansiyonê mabenê Tirkiye û Iraq de biyo berz. Wextê winayin de, Tirkiye serva-qandê manevra bikero, veng da Serokê Herêmê Başûrê Kurdistanî Mesût Barzanî. Wezîrê Karê Tever ê Tirkiye Mevlut Çavuşoglu şiyayişê Barzanî ê Enqerî eşkere kerd. Çavuşoglu ard ziwan ke Barzanî do roja çarşeme şiro Enqere û do bi xeylê rayveranê Tirk ra pêdiyayinan virazo. Ziyaretê Barzanî yê Enqera, zey manevrayê dewleta Tirk ê qandê verîgirotenê nêrazîbiyenê lejkeranê înan ê Mûsil vîniyeno.
KCK veng da şarê Başûrê Kurdistan
Hemserokîna Konseyê Rayverîn yê KCK derheqê Başûrê Kurdistan de biyayişê eskeranê Tirk de damûstayîn da. KCK vistvîrî ke derdê dewleta Tirk şarê Tirmenî niyo, wazenê verniyîna qûwetbiyîna Kurdan bigîrê. KCK verra hewldayenê îşgalkerdin yê artêşa Tirk vengê berzkerdişê tekoşîn da şarê Başûrê Kurdistan û pêrokîn şarê Kurd.
ANF