Mintiqaya Hewraman, mintiqayêka hera ya. Beşêkê ci keweno Kurdistanê Başûrî ra û beşêkê ci zî keweno Kurdistanê Rojhelatî ra. Beşî ke keweno Kurdistanê Başûrî ra ser bi pawitgehê Helebceyî yo. Seba ke mintiqaya Hewremanî de rêjeya germî nimz o, kolkerdiş û binkolkerdişê rêzî û baxçeyan erê destpê keno. Mintiqa de nê çend rojê wayîrê rez û baxçeyan dest bi kolkerdiş û binkolkerdişê rez û baxçeyê xo kerdê. Fehmî Elî baxçevanêkî dewa Belxe ya Hewramanî yo, nêzdê dewe deştê Şarezûr û bendawa Şîrwanî de rezê ci esto dîyar kerd ke her çiqas serre bi serre berhemê rez û baxçeyê înan kêm beno la xizmetê baxçeyê xo ra fek veranêdanî û demserrê cîya de xizmetê baxçeyê xo kenê. MERKEZÊ XEBERAN