Endama heyet Ceylan Bagriyanik jî vat ki, AKP vêşiyê 40 rojano nêviradena ê şirê Îmralî. Heyeta HDP û KCD en peynî 5”ê nîsani de şîbî Îmralî û Rayverê Şarê Kurd Abdullah Ocalan’a pêdiyin viraştbi.O roj ra tepiya, heme wastenê şiyayinê Îmralî, rastê astengînê hukumetê AKP ame.
5’ê nîsan ra na kişt, Rayverê Şarê Kurd Abdullah Ocalanî ra qe xebera nêgeyriyena.Heyeta HDP 30”ê nîsan de vatenanê Serokkomarê tirk Tayîp Erdogan ê zey werte de mase û mesele çiniya ser, kombiyayişê viraştbi. Heyet vatibi ki, hukumetî peyniyê demê çareserîn ardo. Rayveranê KCK jî xeylê finan eşkere kerd ki, planê çareserîn ê hukumetê AKP çiniyo û AKP qerarê lejî giroto. Badê enê mesaj û tespîtan ser, heyeta HDP û KCD, qandê rewşê peyinî sero qisey bikiro, şi Qendîl. Heyeta HDP û KCD Qendîl de bi rayveranê KCK’ya pêdiyinan virazo û oyo winî pawiyeno bado jî damûsnayin bido.
Bagriyanik: AKP şiyayinê ma asteng kena
Kişta bîn ra endama heyeta Îmralî Ceylan Bagriyanik festîvalê Awaspî ê Qilabanî de qisey kerd û eleqe ant siyasetê tecrîdî ser.
Bagriyanik ard ziwan ki 40 rojan ra vêşiyo AKP nêviradena heyet şiro Îmralî û vat: Ma fina bîn hukumetê AKP aya kenê. Lazimo pêdiyinê Îmralî newe ra dest bikirê ci û lazimînê mutabakatê Saraya Dolmabahçe biyariyê ca.
ANF/ŞIRNEX