Temsîlkarê taybet yê Jûbiyenê Miletan ê Suriye Steffan de Mistura aşkere kerd ke, kombiyayişê Cenew 3, do 29ê Çile de destpa bikero. Mistura da zonayene ke, bi sebebê pênêkerdişê derheqê tewrbiyayoxan de, kombiyayiş taloqê 29ê Çile bi.
PYD û MSD amey dawetkerdiş
Dewleta Tirk, bi Qatar û Erebîstana Siûdî ra piya, wextê do derg o, serva manîkerdişdişê temsîliya Rojawa, zaf hewldayenan day. La rexmê nê hewldayenan, heyetê Rojawa tewrê kombiyayişê Cenew 3 beno. Hemserokê PYD Salîh Muslim, Temsîlkarê PYD yê Awrûpa Abdulselam Mistefa, Hemserokê Meclîsê Sûriye ya Demokratîk Îlham Ehmet û Heysam Menna, serva kombiyayişê 29ê Çile yê Cenew 3 amey silayînkerdiş. Salîh Muslim’î veriya çend rojan aşkere kerd ke, bê PYD kombiyayişê ra çarekerdişê meseleyanê Sûriye nêvejyeno.
Lavro: Bê PYD Cenew 3 ra çîyê nêvejyeno
Heto bîn ra Wezîrê Karê Teber ê Rûsya Sergey Lavrov derheqê kombiyayişê Cenew 3 de qisey kerd. Lavrov eleqe ant muhîmiya Kurdan ser û vat: Eke PYD tewr nêbo, kombiyayişê Cenew 3 ra çiyê nêvejîno. Lavrov vat, eke Jûbiyenê Miletan PYD dawet nêkero zî, iyê kombiyayişî weto nêkerê.