17ê Teşrîna peyêna 2016î de qayûm tayînê Şaredarîya Cizîrî bibi û awanîya tarîxî pêşkêşê Komeleya Averberdiş û Kultur Hunerê Birca Belekî ke serekîya ci Sereka Beşê Cinîyanê AKPyî Hatîce Atane kena, kerdbî.
Dima ra weçînayîşanê 31ê Adare de HDPyî bi 77 hezar 99 reyan şaredarîye tepîya girewtbî. Wexto ke HDP şaredarîye tepîya girewt, seba ke awanîya tarîxî veng bikerî, komele rê hişyarîye ameye erşawitene. Labelê komele ra ti veng nêvejîyabi. Naye ser o HDPyî Qeymeqamîye rê nuşte erşawitbi ke awanîye bêro vengkerdene.
Çend rojî verê reya dîyine qayûm tayînê şaredarîye bi. Ame musayene ke Qeymeqamê qeza Davût Sînanogluyî derheqê awanîya tarîxî de qerarê ‘wa nêro vengkerdene’ girewto. Qayûm Sînanogluyî nê qerarî hîna tayînê şaredarîye nêbîyo girewto.
MA/ŞIRNEX