MÛRADA KENDA ANHA / QAMIŞLO Hingî cayê ke yenî resnayene de ser zîretî de tesîrêko gird kenî. Hingî bi çîyanê tebîîyan miqate benî û hingimên virazenî. No hingimên zî dermanê xeylê nêweşîyan o. Kesê bi nameyê Hamza Seyît û embazê ci Enel El-Erebîyî de 2 kesî zî hingan resnenî û hingimên xelq kenî. Nînan verê cû Dêrazor de nê karî kerdî, labelê wexto ke çeteyanê DAIŞî hêrişê herême kerdî, ê mecbûr mendî karê xo ca biverdî. Her di embazî nika eynî karî Qamişlo de kenî. Her di embazî nika 300 kuwareyê înan estî. Seyîtî va ‘hingî zaf hesas î û heme tewir tehlukeyan hîs kenî’ û wina domna: “Hingî sey bebekan î. Cayê ke hingî estî, eynî wext de merkezê tedawîye yo. Nêweşîyê rîşa merdimwere, fitiq û şekir bi hingan yenî tedawî kerdene. Şima eşkenî kesê ke nê nêweşîyê înan de estî, bi dayîşê hingan tedawî bikerî. Ma heta nika 53 kesî bi no hawa tedawî kerd.” Her di embazî eynî wextî de vaşê ke tebîet ra arê danî reyde zî merdiman tedawî kenî. Her di embazan heta nika 12 kesî perwerde kerdî.