Qezaya Mêrdîn Nisebîn de çarçoveyê 'qedexeyê vejyayişê kuçe' de teror û zorvajiyê dewlet dewam keno. Çarçoveyê hêrişanê quwetanê dewlet de heta nika 3 welatijî amey qetilkerdin, nezdiyê 20ê ci zî bî dirbetin. Herzewbîn xeylê taxan de ceyran û xetê telefon yê welatijan birniya. Verra terora dewleta tirk Nisêbînijî zî peyser gam nêyerzenê û xoverdanê.
Parlamenterê sûk grevê veyşanî de yê
Parlamenteranê Mêrdîn yê HDP Gulser Yıldırım û Alî Atalanî verra terora dewlet destpa grevê veyşaney kerdî. Parlamenteran ser kuçeyê Îpekyolu de damustayin day çapemenî û aşkere kerdî ke, heta ke 'qedexe' û abluqa nêhewadiyo, îyê dê nûmayişê xo dewam bikerê. Badê Yıldırım û Atalan, parlamenterê bîn yê sûk Mîthat Sancar û Erol Dora kî tewrê nûmayişa grevê veyşanî bî.
Baluken: Abluqa bi xoverdayiş yena şikiten
Heta bîn ra parlamenterê HDP yê Amed Îdrîs Balukenî derheq dê abluqeya verra Nisebîn de meclîsî de kombiyayinê çapemenî viraşt. Balukenî vistvîrî ke Nisebîn de bi rojano abluqeya merdiş ameya ronayen û wina va: Pêdiyayinê ke ma Enqera de viraştî de ma dî ke dewlet pey hêrişan de ya. Çeteyê ke Nisebîn de qetlîam virazenê, wayrê zihnîyetê çeteyanê DAIŞ ê.
Balukenî aşkere kerd ke abluqeya merdiş şena bi xoverdayişê gird bîro şikiten.
Komalên Ciwan ra venga vetişê kuçeyan
Serva wayirvetişê xoverdayina Nisebîn jû vengdayiş zî hereketê gencanê Kurd, Kordînasyonê Komalên Ciwan ra ame. Komalên Ciwan verra zilma dewlete Kurdistanijan ra waşt ke bivejyê kuçeyan. Hereketê gencan aşkere kerd ke xoverdayişo ke şarê ma Farqîn, Cizîr, Gever, Sîlopî û Nisebîn de da musnayen garantî û ispatê serkewtişê serbestiyo û niya va: Çar leteyê Kurdistan, Awrûpa û pêrokîn teberê welatî de wextê pêropiya vetişê meydanan û werziyayişê serhewadayinan ame. Gune her ca açarniyo Nisebîn û xoverdayiş.
NAVENDÊ XEBERAN
Hurendiya hêrişkaran de mexdur yenê cezakerdin
Quwetanê Tirk Farqîn de zerreyê 12 rojan de, netîceyê terora hera 12 sivîlî kiştî û xeylê ci zî kerdî dirbetin. Tîmanê taybet, lejker û polîsan kiştena sivîlan ra piya, kûçeyan de heqaret û sloganê faşîstî nûsnay. Quwetanê dewlet şîdetî de sînoran nêsilasna. Şarî ra piya, êrişê hemseroka HDP Fîgen Yuksekdag û parlementeranê HDP zî kerd. 12’ê meng de, çeteyanê dewlete, raştî raşt Yuksekdag hedef girot ûbi fîşega bombeya îsotî îsabetê sereyê Yuksekdag kerd û ay kerdî dirbetine. Quwetanê tirk jew roj badê enê êrişî fina-onca êrişê Yuksekdag û heyeta ci kerdbi.
Hurendiya êrişkaran de Yuksekdag rê dawa
HDP ser nê êrişan muracatê gerre kerd û wast ke waliyê Amed Huseyîn Aksoy û qeymeqamê Farqînî Murat Kutuk ra piya, wezîfedarê bînî bîrê ceza kerdin.
La belê hiqûqa tirkiye verra kerdenê faşîstîn de onca çimê xo girot. Sawciyinê tirk rexmê muracatê gerre û êrişan, vera êrişkaran dawa nêakerd.Sersawciyinê tirk zey hertimî wayirê êrişkar û kiştoxanê kurdan vejiya û cayê kiştox û êrişkaran de, mexdûrî hedef girotî. Sersawciyini bi îdiayê ke heqeretê quwetanê tirk kerdo, derheqê Hevseroka HDP Fîgen Yuksekdag de dawa akerd.
Qezaya Amed Farqîn 12 roze raste serestisanê giran yê esker, polîs û timanê teybet yê dewleta AKP ame. Keye, kuçe, esnafî hedef amey giroten. Xeta aw û ceyranî xirave kerdî. Taxanê Tekel, Mescît û Konak de serva-qabê newe ra înşakerdin, gurenayişî ramenê.
Komîsyonî roniyay
Qabê tesbîtkerdinê zerar û ziyanê taxan, komîsyonî amey ronayen. Nê komîsyonî qabê-serva zerar taxan de doskariye dane ramitene. Siftê xeta aw û ceyranî yena newe kerdene. Zerarê tewr gird, taxanê Tekel, Konak û Mescît dî. Heta nika nezdiyê 30 cayan de xeta awe amê newe kerdene. Fina-onca riyê bombevaran ra xeta kanalîzyon yê taxan zî ginê piro. Wextê viraştena boruyan de vejiya werte ke pêro bi gule û bombeyan biyê xan û xirave.
Her ça âme gulevarankerdin
Ca nêmendo ke nê hîrê taxan de gule tey çîna. Wextê serestişan û tomete de polîsan dest nayî bi makîneyanê karî yê şaredarî ser zî. Nay ra gurenayisî zî bi îmkanane senika yenê ramitene. Hetê bîn ra cam û kêberê keyeyanê ke hetê qûwetanê dewleta tirkî ra ame şikitene, yenê newe kerdene. Azayê Komîsyonê newe ra înşa kerdena taxan anê zon ke lewe pêro nînan de serva ke nî serestis, zilm û zorvajiya dewlete reyna mebo, gurenayisî muhîmî.