Yew welato demokratîk de şar qabî tahayulanê demokratîk, qabî aramîya welatîyan, qabî îstîkbalî neslo newe, qabî averşîyayişîya merdimahî, qabî yew atmosfero pank, qabî yew xozaya rengîn, qabî yew cuya newe şono sere sandoqan. Pergalo demokratîk de, şar qabî yew perspektîfo newe, şar qabî newe yew vîzyon, şar qabî muradê xo û qabî îtîbar û haysîyetî xo şino ser sandoqan.
Şarê Tirkîya û Kurdistan bade hîrêne roje qabî newe yew vîzyon talebî xo ‘azadîya yew welatî’ şino sere sandaqan. Şar pe çalakîya weçîn, beno çalakwanî partîya xo. Şarê Kurdistan û Tirkîya no weçînî de henverê zîhnîyeto statukoperest, paradîgmaya sereko hemdem û partîya ey Partîya Demokratîk ya Şaran (HDP) îrade xo pejirneno. Şarê Tirkîya û Kurdistanî narey pe no weçîn verbi, zîhnîyeto otokrat (AKP) wazeno netîce bigêro. Hînî eseno şaro kurd narey qabî tahayula demokratîk û azadebîyayiş şino sere sandoqan û raya xo dano xo.
Verêroja ma, roja hîrêmînê de şarê ma do newe yew îstîqamet bidîyo Tirkîya û Kurdistan. Ayera 7 hezîran rojeka mihîm a. Roja qederî ya. Taybet şaro kurd no weçînaye de wazeno Tirkîya û Rojhelato Mîyanên de şaro kurd yew komela meşrû bo. Şaro kurd narey seba heqo kolektif şono sandoq mesaj dano zîhnîyeto total. Nîhayet 7 hezîranê de şaro kurd hasasîyetî xo deklere şaranê Tirkîya û cîhanê keno. Qet gumana kesî çîn bo, şaro kurd destêk dano komela demokratîk, welato demokratîk. Qabî yew zemîno sîyasîyo newe, qabî azadîya şaran, qabî îqtîdarîya şaran 7 hezîranê de şar şono sere sandik destêk dano sîyasî hereketa kurd, destêk dano sereko hemdem Ocalanî.
Qabê weçîno umim tena mend hîrê roj. Roja çarînê fînal o. Heger, weçîn yew welato demokratîk de beno se weçînox her hetî ra bi qezenc o. Eke, demokratîk yew welat de hetkaran ra heto serekefte, beno îradeyo esas, beno temsîlkarî her kesan la hetê bîn nêvanî partîya min, hereketî min têk şi, nêvanî min no weçîn vînî kerd, vanîy demokrasî pêk ame. Vanîy şarê ma, ez muxalefet de wezîfedar kerda. Ez zî îradeya, temsîlkar a. Vanîy şarê ma, min rê şo bibê opsîyon, şo îradeyo deshelat bigerê qontrole xo. Şo bibi pardox, bibe sebebî holî û weşî… Heman wext şar na roj de hetanê yewna dor, beno wezîfedar.
Malesef Tirkîya no nimûnê de yew welat nîya. Tirkîya totalîter a. Pe yew zîhnîyeto tekperest û nîjadperest îdarê bena. Partîya deshelatdar (AKP) hîna wazena hikumran bo. Cara, hikuk, heq û edalet çîn o. Hemwelatîyê ey seypê nîyê. Kêmar azade nîyê. Se serra psîkolojîya kêmaran tehrîp bîya. Bi kilmek komeleya Tirkîya neweş a. Daru zî HDP ya. Partîyan şaran HDP verbi heza dewleta xorî, verbi partîya rîyakar, zûrekêr, verbi tena xo rê demokrat û tekperest AKP, şaran ra destêk wazena. Tamamî Tirkîya de şar bi omîd şino sere sandoqan. Omîd keno ke 7’ê hezîranê de demokrasîya Tirkîya aver bo, verêroje Tirkîya bibo roşnî. Inkera xeyrîn bo.
Mistefa ŞAHÎN