Ozan Mizgîn serra 1992 de Batman de amê dinya. Serra 1980 de, wexto ki hewna 18 serîbî, tewrê Hereketê Azadî bî. Badê 3 serrana qandê xebatê hunerî û rêxistinkerdinê ceniyan, ravêrd Ewrupa.
Ewrupa de xebatê ronayinê Huner-Kom de bi aktîfî ca girot. Ozan Mizgîn xebatanê ceniyanê kurd ê Ewrupa de jî ca girot. Ronayinê Jûwînê Ceniyê Welatperwer ê Kurdan YJWK de rolê gird kay kerd.
Mizgîn teniya bi vengê xo ê weş nê, eynî wext de bi şoreşgerînê xoya, xoriyên zeriya şarê xo de ca girot. Her tim karê hunerîn û rayverînê hereketê ceniyan kerd. Eşq, hîs, kêfweşîn û hesrê çiman ê şarê xo, zeriya xo de hîs kerdê. Her beste û deyra xo de, êşê şarê kurd ardê ziwan.
Ozan Mizgîn badê xebatê kultur û ceniyan ê Ewrupa, verê xo açarna Koyanê Kurdistanî. Mizgîn xeylê cayanê Kurdistanî de jî, qandê azadiyê şarê xo, ariq rijina.
Ozan Mizgîn 11’ê gulana 1992 de, jû dewa Tetwanî de, qandê mekewo destê lejkeranê tirk, bombeya xo, xo de teqinê û şehîd kewt.
YJA-STAR zî vîr ard
Qerargeha Merkezî ê YJA STAR bi wesîleyê seraçarnayinê şehadetê Ozan Mizgîn, bi nameyê bîna Gurbest Aydin, damûsnayinê da. YJA-STAR sernî de vist vîrî ki, aşma gulan de, xeylê şoreşgerê girdî û rayverê Hereketê Azadî şehîd kewtê û şexsê şehîdanê gulani de, heme şehîdî ardî vîrî. YJA STAR eleqe ant şexsiyetê Ozan Mizgîn ser û vat ki, Ozan Mizgîn teniya Ozan”a şarê xo nêbî, eynî wext de, lejkera şarê xo bî. Qerqergeha Merkezî ê YJA STAR vist vîrî ki, Ozan Mizgîn xeylê noxteyan de rayverîn kerdo û hîmê artêşbiyayinê cenî eşto û mûsnayo heme ceniyan ki, cenî jî şenê xo bipawê û wina dewam kerd: ‘ Embaza Mizgîn, eno mîras Besêyan û Zarîfeyan girot. Raya Leyla Qasim a 12”ê gulana 1974 de, wexto rejîmê Iraq a îdam kerdê, tû kerd riyê celadan teqîb kerd. Eno îradeyo Beseyên, Zarîfeyan, Leyla Qasiman, Mizgînan, Şîîn Elemhûliyan, Amara û Ûtayan, nika Kerkuk, Şengal û her kantonê Rojawa de dewam keno û vilayê heme cayê dinyay biyo.
YJA STAR peynî de jî heme şehîdê azadî ardî vîrî û soz da ki, iyê wastenê şehîdan biyarê ca.Kişta bîn ra Komîteyê Kultur ê KCK’î jî eşkerekerdişê da û şexsê Ozan Mizgîn de, heme şehîdê azadî ardî vîrî. Komîteyê ard ziwan ki,ê 11’ê gulan şexê Ozan Mizgîn de, zey rojê şehîdê Tev-Çandî vînenê û wina dewam kerd: “Embaza Mizgîn hem zey hunermend û hem jî zey fermandar, şoreşê ma miyan de, cayê pîroz giroto. Hozan Mizgîn teniya bi vengê xo nê, eynî wext bi têkoşîn û xoverdayişê xoya jî, biya jû kesa nimûne.”
ANF/BEHDÎNAN