Seke yeno zanayîş 20ê Gulane de çarçewaya ‘Hemleya Serkewtişê Şorişgêrî’ de qezaya Bazîdî ya Agirî de vera artêşa tirkî de çalakîyêk viraştbî. Goreyê Hêzê Pawitişê Şarî (HPG) netîceyê çalakîye de 45 endamê JOHî ameybî kiştiş.
Fermandarîya Qerargehî ya Merkezê Pawitişê Şarî (HSM) îzehetêk daye û îzehetê xo de çalakîyanê serkewteyan yê Fermandarîya Eyaletê Serhedî ver Fermandarîya Eyaletê Serhedî pîroz kerde.
HSMyî îzehetê xo de vato ‘hêzê eyaletê ma 20ê Gulane de girêdayeyê qezaya Bazîdî de beldeya Gurbulakî de vera hêzê JOHî yê artêşa dagîrkere de çalakîyêka serkewte viraştî’ û îzehet wina domîyayo: “Na çalakîye çalakîyêka serkewte ya û netîce girewta ya. Netîceyê çalakîye de derbê girdî dîyayî hêzê dişmenî ro. Dima ra derbê girdî dîyayî hêzê ke hewa û bejayî ra ameyî ro zî. Ma na çalakîya serkewte ya hêzê xo ver, sere de tîmê heyfgirewtişî yê Şehîd Rezan û şehîd Yilmazî û heme hêzê xo yê eyaletî pîroz kenî û paweyê dewamê serkewtişanê înan î.”
Fermandarîye dewamê îzehetê xo de wina vato: “Na çalakîye goreyê tarz û taktîkê ruhê fedayî yê Apocîtî ameya viraştiş û ma heme embazê ke keda înan na çalakîye de esta, silam kenî û wezîfeyê înan de serkewtiş wazenî.”
Heto bîn ra gerîlayê HPG û YJA-Starî herêma Bradostî de çalakîyêk viraştî û netîceyê çalakîyan de 28 leşkerê tirkî, 3 qoricî merdî û 13 leşkerî zî birîndar bîyî. Ame musayîş ke 9 helîkopterê Skorskyî şîyî cayê pêrodayîş ra merde û birîndarê xo kirişti.
MERKEZÊ XEBERAN