Sereştişanê Dara Hênî, Kanîreş û zerreyê sûk de Hemserokê HDP yê Çewlîg Zerîn Berdibek û Mahmût Bozan, Hemserokê DBP yê sûk Zeynep Yûrtsever û Feyzûllah Şeyhanoglû, Hemşaredarê HDP yê Dara Hênê Alî Yaşar, îdarekarê qeza Zafer Akçîçek, Mahmût Demîrel, û azayê MP yê DBP Adnan Sari, Rayveberê DBP Muslum Mamûk, Firat Denek hu keseka bi nameyê Mizgîn girotîyay bin çiman. 11 sîyasetmedarê ke girotîyay bin çiman vizêr berdîyay edlîye. Vizêr heta seatanê şan sîyasetmedaran ra 5ê ci bi pawitoxanê xo ra pêdiyayiş nêviraştî.
Tirkîye açarya girotxaneyê akerde
Parlementera HDP yê Stenbolî Huda Kaya Midûrîyeta Emnîyetî de 11 sîyasetmedaran zîyaret kerd. Zîyaretî ra dima Kaya bana HDP yê sûk de kombîyayiş viraşt. Parlementer Kaya da zonayen ke bê ke sebep damûsnê însanan gênê binçiman û aşkere kerd ke Tirkîye açaryayo girotxaneyê akerde.
Kaya da zonayen ke aye 11 sîyasetmedarê ke amey binçimgiroten Midûrîyetê Emnîyetî de zîyaret kerd û hina va: “Camêrdê ke amey binçimgiroten qatê cêrîn yê Edlîye de hucre de, cenî zî Şûbeyê Emnîyetî de hucre de yenê giroten. Kesê ke amey binçimgiroten wazenê bi hêrîşa Dara Hênî ra eleqedar bikerê.” Kaya da zonayen ke rîwalo ke derheqê dosya de qerarê nimitişî esto, dozgerî hayderî nêdayo. Kaya aşkere kerd ke kesê ke amey binçimgiroten sîyasetmedarî yê û waşt ke ca de serbest bîrê veradayen.
DÎHA / ÇEWLIG