Serranê 1990’nde çeteyên hîzbul-kontra bibî.

Rêxistinê Ergenekonî, bi waştenê kam hew însanê welatparêz bîyero kiştiş, nîşanê çeteyên hîzbul-kontra kerdenê.
Polîs û eskerên Tirk, asayîşê hîzbul-kontra girewtenê.
Bin asayîşê polîs û eskerên Tirk de, çeteyên hîzbul-kontra, zerrê quçan de, xo nizdîyê însanê welatparêzan kerdenê, pê ra pê takarovan nanê serê welatparêzan û hina kiştinê.
Nîşadir(kezzab) eştenê rî û bedenê keynayan û rî û bedenê keynayan Kurd veşnenê.
Dinya de çi wehşîtî bibî, çeteyên hîzbul-kontra kerdenê.
Însanê Kurd yê welatparêz ganî ganî eştenê mezel.
Pê la însanê welatparêz zê xozan(xinzîr) girêdenê û ganî ganî kiştenê.
Kurdê dîndar Serekê Wakfê Zehra zê Îzzettîn Yildirim, hina kişt.
Dima ra, awakerê JÎTEM’ê Arif Dogan, seba hîzbul-kontra yew îtîrafek kerd.
Va, ”Mi hîzbul- kontra awakerd. Rêxistina ke, Huseyîn Velîoglu hewe ewîl awakerd, mi da awakerdiş”.
Xo ra tetîkkeşê hîzbul-kontra Cemal Tutar, mehkeme Tirk de pêro çîyê îtîraf kerdibi.
Yew bi yew seyî Kurdê welatparêz û dîndar kiştîbi eşkera va.
Dima ra sebi?
AKP, Cemal Tutar û pêro endamê hîzbul-kontra veradê, pêrona înan nika Îran de bajarê Qum de ciwîyenî.
Nika zî, zê dewamê hîzbul-kontra yew partî ameya awakerdiş, name na partî Huda Par a.
Zobî, ciya ciya bi name Mustazaf Cemîyetî, Îhya Der, Umut Der, Sahaber Der, Nuh Der komal û weqif ameyê awakerdiş.
Karê ke, Huda Par û komalên girêdayî hîzbul-kontra kenî, hemverê dewleta Tirk qet çîyek çîno. Seba dewletê Tirk, AKP û Gladîyoyê Otuken yê Fetullah yew qise nîkenî.
Çeteyan rêxistin kenî û şiravenî Rojavayê Kurdistan, hemverê şarê Kurd danî şerkerdiş.
Şarê Kurd yê misilman kişenî, la reyna vanî ma misilmanî.
Qetilkar Huda Par û komalê girêdayê hîzbul kontra û endamê înan hina seyî benî misilman?
Şonde hewn kenî, serê siba ayê benî, vanî, “Çetê BDP, vanî çapulcîyê BDP”.
Her heftê, her roj û her saatê Huda Parcîyê hîzbul-kontra hina verenî.
Zerrê mezg,fek û ser ziwanê çeteyên Huda Par yê  hîzbul-kontra de  tim û tim Abdullah Ocalan, PKK,BDP, PÇDK, PYD, PJAK û cinîyê Kurd estî.
Aqil serê hîzbul-kontra ra pereyo.
Ça dişmenê şarê Kurd estî, înan ra hereket kenî.
Gladîyoyê Otuken yê Fetullahî, AKP, Cemaatê Fetullah, Weqfê ÎHH, Ozgûr-Der, Îmkan-Der, Bilbilzadê Weqfî ra kewnî û wirzenî.
Çeteyên Huda Par yê hîzbul-montra, zê şaxek Gladîyoyê Otuken yê Fetullahî êrîşê şarê Kurd yê misilman kenî.
Şew û roj, helê serê siba, helê de, helê şonî de BDP’yîyan ra nengan çînenî. Zotan kenî. Nîvanî ehleq. Nîvanî misilmanî.
Eleqê înan ne dînê Îslam ra, ne zî şarê Kurd ra esto. Dişmenîyê dînê Îslam kenî. Şarê Kurd yê Misilman kişenî. Reyna wirzenî vanî, “BDP êrîşê şarê Kurd yê Misilman kena”.  
Çeteyan rêxistin kenî, şiravenê Rojavayê Kurdîstan, şarê Kurd yê Rojava kişenî. Hesabê kiştişê Şarê Rojava nîdanî. La wexto ke, ciwanê Kurd hemverê çeteyên hîzbul-kontra yê qetilkar vejîyenî, qiyamet rakenî û vanî way, “BDP êrîşê komalê ma kena”.
Pêro bê ehleqî, qetilkarîyê xo bes nîvînenî, ser ra zî tayî serekçete hîzbul-kontra zê Fikret Gultekîn, bi ewnenê seyî nusnenî û qisekenî.
Qetilkarê Hîzbul-Kontra Fikret Gultekîn, bi name Huda Par vano. “Gera partî û dezgeh û cemaate ke teberê xetê PKK de kar kenî, pêronê înan bîyenê pêyser û PKK û BDP herême ra biyero vetiş. Gera,gore nayê stratejîyek biyero viraştiş”.
No vatiş, vatişê dewleta Tirko. No vatiş, vatişê Gladîyoyê Otuken yê Fetullahî yo. 
No vatiş, vatişê îstîlakerê Tirko. No vatiş, vatişê dişmenê şarê Kurd o.
La ez ewnena ne BDP û ne zî rêxistinek bîn yê Kurd, ver nayê vatişan çîyek nîvanî.
Hemverê çeteyên Huda Par yê hîzbul-kontra bêveng mendiş xeleta.
Gera yew nîvajo hîzbul-kontra “Kutikê mawo la ver kîyê şar de laweno”.