Şerê taybet a hukimatê AKPe ti sînor nas nêkena û verdewam keno. Çend şono hende xetimyeno û semedê ke AKP çîyo ke wazena nêşkena dest bifîna sere dana raybazê lêmînî ra. Tewr peynî zî bi fermanê serekwezîr Ahmet Davutogluye hemverê mezelanê gerîlayan hêriş dest pê kerd. Babete sero Îhsan Elîaçık qalî kerd.
AKP wazena dom biko
Elîaçik bal ant ser polîtîkayê şer ya AKPe û wina vat: “AKP bi israr wazena şer verdewam bikero. AKP vengdayîşê adirbestişî ya KCKe zî red kerdo. Nê 35 serrî ke ma veynenî ke vatişê ‘terorîstê peynî zî mergî ver de yo’ û ‘rayvistişê terorî vila beno’ yeno xebetnayîş. Nika zî AKP no dibare kena.”
‘Cizîr bîyo Gazze’
Elîaçık, verdewamîya qalîkerdişê xo de ciresna ke çîyo ke tîya de yeno xebetnayîş Gazzeye ra cîyayêr nîyo û wina vat: “Hukimat tîya de raybazê Îsraîlî xebetneno. Cizîr bîyo Gazze. Sekenî? Dormarê ci gênî, vecyayîşê teberî qedexe kenî, şew dest pê operasyonan kenî û heya serê siba verdewam keno. Keyeyan sero gule varnenî û bombe erzenî keyeyan ser. Nêy Gazzeye zî yenî kerdiş.” Elîaçık qalîkerdişê xo wina peynî kerd: “Şar sey şima nêfikiryeno. Tîya de HDPe rê zaf rayî vecyenî. Goreyê Îslamîyetî lazim o şûr ser merde ra hawanîyo.”
DÎHA /STENBOL