15ê temuze ra dima xeylê sazî û dezgehê şarî ameyî padayîş. Xeylê şîrket û cayê karî zî ya ameyî padayîş û yan zî hetê dewlete ra dest ronîya ser de. Tewr peynî Zîraatbank, TPAO, BOTAŞ, PTT, TURKSAT, ETÎ Maden, Çaykur, Halkbank, THY, BÎST û sewbîna xeylê dezgehî bi qerarê Heyetê Wezaretî dewrê Fonê Varlikî bîyî. Babete ser o Hetkarê Hemserekîya HDPyî Sezaî Temellîyî qisey kerd.
Temellîyî va ‘Tirkîya de demêko derg o ke krîzê ekonomîk esto’ û wina domna: “Tirkîya seba ke barê krîzî sivik bikera, heme çimeyanê xo îsraf kena. Bi nê dewrkerdişî êdî pereyo ke çimeyê ci dîyar nîyo rê îmkan ame awankerdiş. Hukmat seba ke krîzî binimno xeylê çîyî kerdî, labelê tîcaretê ci yê teberî heme çîyan dîyar keno.”
Temellîyî peynîya qiseykerdişê xo de wina va: “sîyaset, ekonomî û dîplomasîya Tirkîya de îtîbarê xo vînî kerdî. Ganî no şîyayîş bi hawayo lez bêro vindarnayîş. Qesre û AKP heme îmkananê dewlete xebetnenî. Mîyanê polîtîkayanê hukmatî de şer, qirkerdiş, rijnayîş, talan, tepiştiş, KHK, cînayetê cinî û karî, îstîsmarê domanan û sewbîna estî. Seba ‘nê’yî tena çareyêk esto, o zî referandûm de vatişê nê yo.”
ÎZMÎR