Hûmara 175. ya rojnameyê Newaya Jinî ke aşme de reyêk vejîyena, bi manşetê ‘Teşrîna Verêne vengdayîşê xoverdayîşî ya’ vejîyaye. Na hûmare zî sey hûmaranê bînan bi muhtewayêka debîyaye ameye wendoxan ver. Na hûmare de têkoşînê cinîyanê şorişgêran ê ke aşma Teşrîna verêne de şehîd bîyî girîyayo dest.
Endama Meclîsê PAJK Hêlîn Umîte nuşteyê xo yê de pare kerdo ke têkoşînê azadîye yê cinîyanê Kurdan 40 serrî yo ruh, hişmendîye, hîs û cuye dano dînamîkanê averşîyayîşanê netewa demokratîke û azadîya cinîye. Çarçewaya babete de nuşteyê Arîn Mîrkane û Mîhrîban Sarane ameyî weşanayene.
Na hûmare de roportajê endama Koordînasyonê TEV-DEMî Foza Yûsife reyde derheqê rewşa herême de ame weşanayene. Zîndanê Gebze ra Sema Mazlûme û rojnamegere Gulîstan Çîya Komploya 15ê Sibate ser o nuştî. Rojnamegere Ronî Eyleme zî bi dosyayêka hîra ‘Şêrê Dewro Newe’ girewta dest.
Babeta qayûman û destsernayîşê şaredarîyanê HDPyî zî hetê aktîvîsta cinîye ya Sara Aktaşe ra ameya munaqeşekerdene. Wekîla HDPyî Feleknas Ûca zî heman babete de nuşteyêk nuşto. Bêxera nînan xeylê xeber û dosyayê derheqê weşîye, ilm û yarîyî estî.
BRUKSEL