Roja ma ya ewroyên de êdî çîyê kehen nêvirazîyenê. Eleqeya ciwanan xebatanê kehenan reyde kêmî bîya. No semedî ra zî xebatê bawkalan ver bi vîndîbîyayîşî şinê. Babeta hunerê kîlîmê kehen ser o Mîthat Guzelî qisey kerd.
Guzel ke westayê kilîme û batanîyan o Sêrtî ra koçî Midyad bîyî. Guzel vano vere cu muşterîyê ci zêde bî, la nika seba ke xebate çin a, senî dikanî akenî wina zî gênê.” Guzelî ke viraştişê kilîman pîyê xo ra musayo bi nê vatenan behsê ci kerd: “Wexto ke ma koçê Midyadî bîyî, dezgeyo ke pîyê mi ra mend, mi aye zî xo reyde ard. Dezgeyê pîyê mi, bi texteyan ameyo viraştiş. Wexto ke cayêk dezgeyî bişikîyo ez eşkena tamîr bikerî. La merdim nêeşkeno parçeyanê makîneyê nikayînan bivîno û bivirazo. Cok ra ez teknolojî ra dûrî kewena. Ez her ke dezgeyê pîyê xo de kilîman virazena zaf bikêf bena. Seba ke gureyê ma nêmiro, mi gureyê xo musna 3 domananê xo. La ma se bikerî zî xebata ma ver bi çinbîyayîşî şono. Midyad de tena ez nê kilîman virazena. Vere cu xebata ma de zaf kar estbî, la nika qîmetê xebata ma nêmendo. Pîyê mi 50 serrî yo, ez zî 30 serrî yo ke kilîman virazena.”
DÎHABER / MÊRDÎN