Abdûrahman Seçer ke pîyê 3 qijano wextekê derg o bi karê kulturî ra eleqedar o. Seçer hetê heskerdoxanê xo bi nameyê Şarik Apo yeno silasnayen. Semedê Seçer heto roja Sêşemê Mizgefta Şêx Seîd a Bremen de serweşî qebûl benê. Yeno pawiten cenazeya Seçer badê merasîmeke bieşrawiyo qezaya Çewlig Dara Hênê.

Bi omidê sibarojan kar kerd

TEVÇAND Awrûpa û Kevîna Zêrîn yê Awrûpa ke derheqê merdişê Şarik Apoyî de mesajeke weşînay malbata ci û şarê kurd rê serweşî waşt. Mesaj de vistîya vîr ke hunermendê kurd Şarik Apo hunera xo semedê civakî  da ramitene û nayî ra tawîz nêda. Mesaj de merdişê Şarik Apo zey vinîbîyayişeke gird hesibnîya û vajîya ke tekoşîna serbestî ya kurd de emegê ey zaf o.  TEVÇAND û Kevîna Zêrîn yê Awrûpa vistî vîrî ke hunermendê kurd Şarik Apo hewl da ke çi wezîfe kewno ser milê ci ey bîyaro ca û hina vajîya: “Ey hîs kerd ke tenya bi raybazeke êşkeno mezgê civakî bixebitno û vernîya qirkerdişî bigîro. Kawîs Axa ra heta Eyşe Şan, şehîd Sefkan, şehîd Delîla raya ke amê taqîpkerdiş na ya. Rixmê trajedîya ke welatê ma de amê ciwîyayen ey bi omidê sibarojan karê xo da ramiten.  

NAVENDÊ XEBERAN