Tirkîya de 15ê temuze teşebusê derbe ra dima OHAL ame îlankerdiş û bi îlankerdişê OHALî îxraçbîyayîşê karmendan, tayînbîyayîşê qayûman, padîyayîşê dezgeh û sazîyan, neheqîyî û sewbîna zaf çîyî ameyî kerdiş. Heta nika sazî û dezgehê çapemenîye zî tede xeylê sazî û dezgehî bi Qerarnameyê Hukmê Qanûnî (KHK) ameyî padayîş. Babete ser o Huqûqnas Yusuf Alataşî qisey kerd.
Alataşî va ‘OHAL goreyê menfîetê sîyasî yeno xebetnayîş’ û wina domna: “Demokrasîyê heme dinya de OHAL eşkîyeno bêro cuyayîş, labelê ganî no zî goreyê huqûqê mîyanneteweyî bibo. Neke merdim nêyî sey firsend bivîno û goreyê menfîetê xo bixebetno, nêbeno. Nika huqûq bîyo huqûqê firsendî. Nika vejîyenî vanî îxtîmal esto ke derbeya dîyine bibo û bi no hawa OHALî derg kenî. Çîyê ke nika yenî kerdiş, sey firsend î.”
Tirkîye bi destêk îdare bena
Alataşî bale ant OHALo ke Fransa de esto ser û wina va: “Labelê Fransa derheqê pêroyîya welatî de qanûnêk nêvete. Ma de wina nêbî, seba îxraçkerdişê kesan daxî KHKyî ameyî vetiş. Yanî çîyo ke lazim o dadgeh bikero zî hukmat keno. Nika Tirkîya de cîyayîya qewetan çin a. Tirkîya bi destêk îdare bena.
SELAMÎ ASLAN/DÎHABER/ANQARA