Goreyê îfadeyê qoruciyan Kulter Fermandarînê Sinor ê Jendermeyanê 23'in de yeno tepişyayen. Welatijê ke şahîdînê binçimkerdişê Kulter zî kerdo, vatbî Kulter bi îşkence û zorvajî eştîyayo wesayîta 'shortland' û berdîya Mudurînê Şubê yê Hereketê Taybet.
Yew qoruci zî vatbi, Kulter îta de 7 roj tepişyayo û îşkence giran ra ravêrdo û bado berdîyayo Fermandarînê Sinor ê Jendermeyan ê 23'in. Qoricîyeko bîn zî ser qiseyanê fermandaranê eskerîn ê derheqê Kulter de zonayîş da bi û vat bi “jew fermandarî Kulter’î rê vato ‘ya qisê keno ya gule duno serê ey’ û o çax jew gule varda heway.”
Hereketê teybet eşkere kerd
Wexto Kulter girotîyabi binê çim hesabê sosyal medya yê hereketê taybet ra eşkere bibi. Midûrînê Suk, Dozgerînê tirk, Fermandarînê Sinor ê Jendermeyan û Waliyîn girotişê girotişê Kulter’î qebûl nêkerd. Seba Kulter Yewbîyayînê Miletan û MHM ê Awrûpa de serpirodayiş virazîya. Parlamenterê HDP zî serva Kulter’î kewtî miyanê hereketî. Rixmê înan, hetanî înkê derheqê Kulter de çi zonayîş nêdîyo û talokeyê wêşî yê Kulterî rameno.
DÎHA/ŞIRNEX