Aysel Dogan serra 1999 de, vengdayişê Rayverê Şarê Kurd Abdullah Ocalanî ser, Koma Aştî ê Ewrupa ca girot û şî Tirkiye.Aysel Dogan bi serran girotxane de mend û wija bî nêweş.
Badê viradayin jî, maben nêda xebatanê xo û bî Seroka Akademiya Bawerî û Elewiyin ê Dersim.
La belê mehkemeya cezayê giran ê Meletî 28”ê îlonê 2011 de, derheqê Aysel Dogan de qerarê girotin da.Aysel Dogan o çax ra na kişt, girotxaneyê Elbistan û Amed de mendê û her roj heveyna nêweşîna ci bî giran.Coka jî Aysel Dogan sewqê Enqerey bî û hewna rewşê ci giran o.
ÎHD”yê Dersim bi damûsnayinê da û eleqe ant nêweşînê giran ê Aysel Dogan ser.Namzedê HDP ê Dersim Edîbe Şahîn û Alîcan Onlu, hevşaredar Nurhayat Altun û Mehmet Alî Bul jî, temsîlkarê xeylê kesana piya, tewrê damûsnayin bî.Serokê ÎHD ê Dersim Gurbuz Solmaz damûsnayin wend û vist vîrî ki, dirumê Aysel Dogan her roj heveyna beno giran.
Solmaz wast ki, Aysel Dogan û heme giroteyê nêweşî rojê ravey viradiyê.