Komeleya Heqanê Merdiman (ÎHD) derheqê rîskê vîrusê Korona yê vera hepsîyan de eşkerayêke da. Eşkerayîye de ame vîrardene ke hepisxaneyan de 591ê înan giranî tewr tay hezar 564 tepişteyê nêweşî estê û ame waştene ke wa ê cade bêrê veradayene.
Eşkerayîye de nê ameyî parekerdene: ''Ganî heme tepişteyî bêrê veradayene, deweletê sîgorayê înan bigero xo ser û keyeyanê xo de bêrê tedawîkerdene. Ganî raporêko bi sebebê weşîye înfazî pey de erzeno qerarê ci têna Dezgehê Tibê Edlîyî (ATK) mendo. Reyna nê qerarî de wa dozgerî wayîrê qale nêbî û rapêrê nêweşxaneyê sey esas bêrê girewtene. Ganî qerarê semedê asayîşê komelî bitehluke yo/a' yo ke vernîya peydeeştişê înfazê tepişteyanê nêweşan de beno ansteng qanûnî ra vejîyo. Reyna Madeyê 25. û 107. ke destûr nêdanê mabên bidîyo înfazê tepişteyanê nêweşan bêrê wedartene. Ganî goreyê qeraranê Mehkemeya Heqanê Merdiman a Ewropa (MHME) bêro têgêrayene. Ganî serekkomar semedê efûkerdişê nêweşanê giranan heme tepişteyan seyciye tepişo.'' AMED