Eleqeyê seweta HDP, tarsê gird visto zeriya hukumetê AKP. AKPijê bi tarsê HDP”a rakewnê û bi tarsê HDP werzenê.Qandê verniyê girdbiyayinê HDP bigirê jî, heme hetan ra kewtê miyanê hereketî.
Kiştê serokkomarê tirk Tayîp Erdogan û kiştê ra artêşa tirk û kiştê ra jî wezîr û rayverê AKPê hewl danê eleqeyê qandê HDP kemî bikirê. La belê se kenê, iyê nêşenê verniyê eleqeyê şaran bigirê. Coka jî, bi nezdîbiyayişê weçînayinî jî, tarsê înano beno vêşî.
O tarso jî beno sebeb, rastiyan îtîraf bikirê. Nimûneyê nay ê peyin jî, Alîkarê Serokwezîrê tirk û vatoxê hukumetî Bulent Arinç o.
Arinç jî qisey kerd û zafbiyayinê eleqeyê seweta HDP îtîraf kerd. Arinç tewrê kombiyayişê 124’in ê Bab-i-Alî bi û wija qisey kerd.
Qisanê Arinç’î fina bîn, tarsê bi girdbiyayinê HDP ra xo da tever. Arinç’î vat ki, îhtimal esto HDP weçînayinê 7’ê hezîrani de, %11 û 12’yê rayan bigiro.
Arinç ard ziwan ki, wexto HDP %11 û 12’yê rayan bigiro, amorê parlementeranê AKP bikiro kemî û çiyê winayin jî, ey tarseyno AKP weçînayinî de mereso hedefê xo.
DÎHA/ENQERE