Îlhan Çomak ke serra 1994î de Wendekarê Zangehê Stenbol yê Fakulteyê Fen yê Cografya be, 21 serriya xo de bi îdiayê ‘gureyînê rêxistin ramiten’ tepişiya. Çomak wextê cipersyayiş de 16 rojî raştê îşkenceyanê giran ame. Rixmo ke cezayê Çomak’î xirab bi, la 22 serriyo bi tepişte yeno mahkeme kerdiş.
Hunermendan ra vengdayişê edaletî
Roniştişê dawa Çomak’î ewro Stenbol de yena diyayiş. Semedê roniştiş jew vengdayişê serbestveradayişî zî hunermendan ra ame. Malbata Çomak’î serva serbestiya tepişteyî ser medya ya sosyal de kampanya da destcikerdiş. Hunermendan kî bi jew vîdeo paşt da kampanya û Çomak’î rê edalet waştî. Hunermendan herzewbîn vengê tewrbiyayişê roniştişê dawa zî kerdî. Vîdeo de hunermendê zey Ahmet Tellî, Pinar Aydinlar, Sûavî, Ferhat Tûnç, Mûhammed Ûzûner zî ca girotî.
Îlhan Çomak, serra 1973î de qezaya Çewlig Kanîreş de ame dinya. Malbata Çomak’î dawa kirêşna Mahkemeya Heqê Merdiman yê Awrûpa. Çomak tewr peynî de 22ê Kanune 2015î de vejya verniya mahkeme, la heyetê mahkeme qerarê xo nêvûrna. Çomak o ke nika girotxaneyê Îzmîr Kiriklar Tîpê F de tepişte yo 4 kitabê ci yê şiîrî estê.
DÎHA/STENBOL