Weçînayîşê herêmî çiqa şino nizdî beno. Hema hema namzetê partiyan yê şaredarî zî yew bi yew yenî nîşandayîş.

BDP zî, hema hema zafê namzetê xo yê şaredarî eşkere kerdî.
Namzetê BDP, yê şaredarîya Çewlîg zî eşkera bîyê.
Seba ke, BDP no weçînayîş de sîstemê hemserokê ronayo, her ca zî namzetê şaredarî yê BDP yew comerd yew zî cinî ya.
BDP, Çewlîg de zî gorê nayê sîsteme Îlhan Çakabey û Zarîfe Karasungur seba namzetê şaredarî nîşanda.
Her di namzet zî, weş yenî şinasnayîş, her di namzet  zî namzetê erjeyayîyê.
Aye ke Çewlîg reyna bikerê Çewlîg Kirdan, namezetê hinayê.
Çunke Çewlîg qey Kirdan, bajarek stratejîko.
Caye ke en zêde kaykerdiş ser beno, bajerek hinaw o.
AKP, zê Kemalîsta zergûn ser Çewlîg zaf kaykena.
AKP, xo ra, weçînayîşê 2009 de zî pê hîle û deqûdolab şaredarîya Çewlîg destê DTP-BDP girewt.
Esasî de weçînayîş Çewlîg de Firat Anli serkewti bi. La AKP û Rêxistina Fetullah Gulen pîya, zaf reyê DTP-BDP nêhumart û ser re zî reyê AKP zêde humart.
Pê nayê hîlekarî wa AKP qezençkerdo. La raştî de namzetê DTP-BDP Firat Anlî qezenç kerdi bi.
Xo ra ser nayê deqûdolaban, Selahattîn Demîrtaş mîtîngê Çewlîg de zelal qisekerd.
Gera şarê Çewlîg zî na raştî weş bizano û gorê nayê weçînayîşa emser de hîşyar nizdî bibo.
Wayîrê îradê xo û namzetê xo  bivejîyo.
Namzetê Çewlîg Zarîfe Karasungur wayê Mehmet Karasungura. Yad û emanetê Karasungur û şehîdana.
Wayîr vejîyayîş û destêkerdişa Zarîfe Karasungur, wayîr vejîyayîşê tekoşîn û şehîdana.
Namezeto bîn Îlhan Çakabey zî yad û emanetê  Celal  Barak yanî Şehîd Zeynel înan o.
Çewlîg ê wayîrê yad û emanetanê xo bivejîyo.
Çewlîg ê weçînayîşê 30 Adarê de, namzetê îstîlaker def bikero.
Çewlîg ê weçînayîşê 30 Adarê de, hina bikero ke, herkes bivîno tornê Şêx Seîd seyînê, hevalê Xeyrî Durmuş, Mehmet Karasungur û Zekî Palabiyikan seyînê.