Kantona Cizîre ra yew heyet seba înşayê Kobanê rê amey Pirsûse di mîyanê na heyete de hemserekê Kantona Cizîre Hediye Yusuf û Ekrem Hiso zî estbî. Hemsereka Kantona Cizîreye Hediye Yusuf dîyar kerd ke do seba newe ra înşayê Kobanêye yew kongreya mîyanêneteweye bêro viraştiş. Yusuf destnîşan kerd ke ê seba newe ra înşayê Kobanêye rayedarê kantone û YPG/YPJ reyde pêvînayiş viraştî, hewna çarçiweya babete di rayedarê kantonê Cizîr û Efrîn reyde kombîyayiş viraştî û fikrîyayeke Kobanê senî newe ra înşa bikerî û peynîya kombîyayişê hîrê kantonî zî biryarê muhîm girewtî.Yusuf îzeh kerd ke ganî seba newe ra înşayê Kobanêye berê Murşîtpinare (Kobanê Serxet) bêro akerdiş, hewna seba newe ra înşayê heme zirarî bêrê tespîtkerdiş û ganî bikero se destê kamî çi yeno se bêro viraştiş.
Akerdişê korîdorî
Yusuf ciresna ke seba newe ra înşayê Kobanêye kongreya mîyanêneteweye dar bivisnî û wina vat: “Na kongre seba hîrê kontone zaf bi muhîm o. Heme kantonan do dest bi dest bidê û seba newe ra înşayê Kobanê çi destê înan yeno se do bikerî. Ganî seba no zî yew korîdor bêro akerdiş. Seba akerdişê korîdorî wezaretê karê teberî yê hîrê kantone pêvînayişê xo domnenî.”
Kobanê rê hedreye
Hewna hemserekê Kantona Cizîreye Ekrem Hiso zî destnîşan kerd ke newe ra înşayê Kobanê rê hetkarîya mîyanêneteweye lazim o, resayişê nê hetkarîyan ser zî ganî korîdor bêro akerdiş. Hiso dîyar kerd ke di kantone zî seba hetkarîyê hedra yê.Hiso wina dewam kerd: “Têkoşîna Kobanê rûmeta heme merdimatîyê xelisnayo, bi finaka xoverodayişê destanî, verba çeteyê DAIŞî şerwanê YPG/YPJe têkoşîn dayî û bi sayeya înan zî Kobanê nêkewt. No ser zî ganî her kes seba Kobanêye seferber bibo. Ma seba newe ra înşayê Kobanêye do kongrayeke mîyanêneteweye bivirazî. No ser zî ganî newe ra înşayê Kobanê rê heme şaran wa hîsgêr bibî.”
DÎHA/RIHA