Rêxistina Efû yê Mîyanneteweyî yê Tirkîye, dîyar kerd ke Tirkîye de 100 hezar gurekarê cemawerî bi hawayê keyfî ameyê îxrackerdiş û nayî zî tesîreke negatîf ser weşî û îdareyê kesan kerdo. Rêxistin bi sernuşteyê “Îstîqbal Tarî yo: Tirkîye de dûştê gurekaranê cemawerî zextê bê peynî” rapora Tirkîye weşîna û hayr ant ser gurekarê ke amey îxrackerdiş û zehmetîye ke ancenê ser. Cigêrayoxê Rêxistina Efû yê Mîyanneteweyî yê Tirkîye Andrew Gardner, îzahatê derheqê raporê de wina va: “Tirkîye de hewldayîşê derbe ra dima, rijyayîşê ke rîwalê kerdenanê zextan bî, tenya bi vinîkerdişê karê xo ra bi sînordar nêmendî, eynî wextî de, bi deshezaran kesê ke weşîya înan a malbatî û karî letebîyayîşeke esto. Xêlê kesê ke zey terorîst amey damisnayîş û çimeyê debarî ci ra amey girewtiş, nêşkenê karîyera xo biramnê û îmkanê gureyê alternatîf zî yenê manîkerdiş.
STENBOL