Êyê ke beşdarê kombîyayîşê Îtifaqê Weçînayîşî bîybî: Tevgera Azadî, DBP, DDKD, KCD, OSP bingeyê metnê protokolî yê cêrinî ser o îtifaqê weçînayîşî bi rayapêroyî danê zanayîş.


Metnê Pêkerdişî yê Îtîfaqê Weçînayîşî yê Kurdistan de 

Sedemê bingeyîn yê partî û hereketanê sîyasî yê kurdan ke sozê HDP reyde beşdarbîyayîşê weçînayîşê 7 hezîrane 2015 dayo û mohr kerdo no yo: Vera heme çinêkerdiş, înkar û zordestîyan de seba girewtişê heq, edalet, azadî û nasnameyê şarê Kurdistanî israrkerdişê têkoşîn û xoverdayîşî; seba heme komelan û bawerîyan hesreta aştî ya şaran; seba Kurdistanî û îstîqbalê heme mintiqa, Kerkuk, Şengal û Kobanî de têkoşîna ke vara DAIŞî de dîyeno û serkewtişê ke kewtê dest, sere de şarê kurdî rê, bîyê omidî heme miletan. No ravêreyeya ke ma ewro ciwîyenê, sere de çarçewaya Yewîya Neteweyî de heme hetê ke paştgirîya heq û azadî kenê, helwêsta înan a muştereke do rijnayîşê pergalanakê înkarkeran de dîyarker bo.

Nînan ra teber, sedemêko bîn yê îtîfaqî zî no yo ke partîyanê sîyasîyan biryar dayo ke bi qanûnê weçînayîşî yê antîdemokratîkî ke sedê weçînayîşî yê % 10 HDP beşdarê weçînayîşî bibo. Seke sedeman ra zî fehm beno armancê îtîfaqê weçînayîşî no yo ke sîyaseto meşrû, demokratîk û sivîl konseptê şerî dewre ra vejo û xo rê sehayêka hîra akero û bi na wesîle paştî bido ravêreyeya çareserî û aştî. Partîyê sîyasî û tevgera ke na çarçewa de ameyê pêser, heme hetî bi îradeyê xo biryar dayo ke beşdarê îtîfaqî bibê. Weçînayîşo ke do 7 hezîran 2015 de bibo, ma zî biryar da ke HDP reyde sey parçeyêkê “Îtîfaqê Weçînayîşî yê Kurdistan de” beşdarî bikin.


Îtîfaqê ma;

* Goreyê esasê miletbîyayîşê kurdan meselaya waştiş û girewtişê heq û azadîya bingeyêne de, her çî ra ver bibiryaro ke helwêsta xo nîşan bido. Goreyê nê armancî ra; Mekaqanûnî de seba Kurdistanî statu, perwerdeyê bi ziwanê dayîke, kurdkî sey ziwanê resmî bêro qebulkerdiş û nasnameyê kurdan bêro şinasnayîş. Nê waştişê tewr esasî yê. 

* Miletê sey kurd, armenî, asûrî-suryanî, mihelmî û tirkman, ancî bawerîyê sey elewî-sunî, xirîstîyan, mûsewî, êzidî ke erdê ma ser o ciwîyenê, rîyê polîtîkaya zordeste ya dewlete vîyarte de zaf zehmetî anta. Ganî nê zehmetîyê verênî nêrê xovîrakerdiş û Îtîfaq na bawerîye de yo ke cuyêka newe û seypê bêro awankerdiş û seba naye têkoşîna bêro dayiş. 

* Heme mexdûrîyetê ke ravêreyeya tarîxî de Kurdistan de bîyê, sey dejêko muşterek û heme qezencan zî sey şayîya muştereke yê şarê Kurdistanî qebul keno.

* Heme parçeyan de paştgrîya têkoşîna heme şarê kurdî yê vera DAIŞî û hemkaranê ey keno, qezencê ke Kerkuk ra hetanî Şengal û Kobanî kewtê dest rê zî wayîrîye keno. 

* Îtîfaqê Rojawanî Kurdistanî ke bi Peymanê Duhokî virazîyabî muhîm vîneno û paştgirî keno.

* Venga rayapêroyî ya mîyanneteweyî dano ke newe ra awankerdişê Kobanî de hetkarî bikero, venga dewlete zî dano ke sere de Berê Murşîdpinarî, heme beranê gumrukî Rojawanî ser o akero. 

* Venga dewlete dano ke heme girewteyanê nêweşan, sere de Rayverê Şarê Kurd Abdullah Ocalan heme girewteyanê sîyasîyan bêşert serbest verado, cînayetanê faîlê înan meçhûl vejo meydan, goranê komelî aşkera bikero û heme mexdûrîyetanê komeleyê tezmîn bikero, nê warî de mesulîyetanê xo biyaro ca.

* Her tewir hêriş û şîdeto ke bi cinîyan beno eynî wext de seke vera komelî de bîyo wina vîneno û vera naye de helwêsta xo nîşan dano.

* Têkoşîna azadî yê ewroyî de ciwanîye sey dînamîkêko aktîf vîneno û awankerdişê Kurdistanî de rolê ciwanîye yo dîyarker muhîm vîneno û seba averberdişê nê rolî têkoşîna dano.

* Polîtîkayê ekonomî yê dewlete ke nika estê Kurdistan de benê sedemê problemanê pîlan yê sey feqîrî, koçberî, bêkarî û texrîbatanê ekolojîkî, Îtîfaq wazeno kê na polîtîka bêro vurnayîş, seba paştgîrî çimeyî bêrê peydakerdiş û paştgîrîya heme xebat û têwgêrayîşan bibo. 

* Azadîya dîn û wijdanî, hurmetê seba bawerîyan, cuyêka goreyê bawerîyan, seba edakerdişê wecîbeyanê bawerî heq û azadîya înan paweno. 

* Bê ke yew cîyatî bikero mîyan, erjanê dînî, mezhebî, neteweyî û însanî bingeyê heq, edalet, azadî, seypêyî û biratî qebul keno. Wazeno ke komikê bawerî û dînî hetê polîtîkî ra ê bi xo xo temsîl bikerê. Axir no Îtîfaqê ma na bawerîye de yo ke seba azadîya şarê Kurdistanî û sere de Tirkîya de, heme cayê ke kurdî ser o ciwîyenê de seba ameyîşê demokrasî ganî têkoşîna sîyasî dewam bikero û seba naye zî lebitîyeno ke heme rayîranê meşrû û demokratîkan bikar biyaro.  


 AMED