Endamê Egîtîm Senî mamosta Mazlum Çetînkaya bi Qerarnameyê Hukmê Qanûnî (KHK) gureyê xo ra amebî îxraçkerdiş. Badê ke Çetînkaya gureyê xo ra ame îxraçkerdiş ame zanayîş ke qeydê ci yê nifusî zî ameyo pakkerdiş. Mamosta Çetînkaya wexto ke şî noter, pê hesîya ke qeydê ci nifus ra zî ameyo pakkerdiş. Babete ser o Mamosta Mazlum Çetînkayayî qisey kerd.
Çetînkayayo ke mektebê dewa Beykozî ra 29ê teşrîna verêne de bi KHKyî ameybî îxraçkerdiş û 6 aşmî yo ke tewrê embazanê xo taxa Altiyolî ya Kadikoyî de xover dano wina va: “Ma sey hîkayeyê Azîz Nesînî yî. Ez û embazêkê xo seba karêk 7ê temuze de şîyî Noterê Beylukduzu. Ewja de ez pê hesîyaya ke qeydê mi nifusî ra ameyo pakkerdiş.Netîce de ez mecbur menda ke estena xo îspat bikera û heme karê mi ameyî betalkerdiş.”
Fermîyet de ez sey merde ya
Çetînkayayî tewr peynî wina va: “Seba estena xo mi muracatê Mudirîya Nifusê Kadikoyî kerd. Beno ke haya mi mergê mi ra çinêbo? Badê îxracî mi sey merde dayî nawitiş. Îxraçkerdişê karî bes nêbî, ma hemwelatîyî ra zî ameyî îxraçkerdiş. Gelo îqtîdarî seba mergê ma KHKyan vet? Ez cuyena, la fermîyet de ez sey merde ya. Ez hîkayeyan nusena. Nameyê hîkayeya min a newe; Mazlum ne cuyeno ne zî merde yo.”
ANF/STENBOL