'Cezayê girtîgehê birîn'
Parêzer Çetîn diyar kir ku ji ber muwekilê wî Kurdî axivî ye der barê wî biryara girtinê hatiye dayîn û bi darê zorê muwekilê wî birine mehkemeyê. Çetîn diyar kir ku piştî îfadeya muwekilê wî hatiye girtin ew serbest berdane lê doz 4 salan berdewam kiriye. Parêzer Çetîn diyar kir ku ji ber axaftineke Kurdî der barê muwekilê wî 3 cezayên cuda hatiye birîn, ji her dozekî 5 meh û bi giştî 15 meh û 3 hezar TL cezayê pere hatiye birîn. Çetîn diyar kir ku piştî guhertina zagonan ji bilî Tirkî zimanên din jî dikarin propagandayê bikin û dê îtîrazê ceza bikin û bibin temyîzê.
Daraz zirarê dide pêvajoyê
Çetîn diyar kir ku daraz guhertinên qanûnî ku hatine çêkirin li ber çavana nagire, li gorî guhertinan tevnagere û wiha got: "Wekî hiqûqnasekî em ji vê rewşê aciz in. Daraz guhertinên qanûnî li ber çava nagire, li gorî xwe tevdigere û ev yek feydeyê nade pêvajoyê. Daraz li hember zimanê Kurdî û Kurdan dijber tevdigere. Ev nêzîkatiya darazê dê di vê pêvajoyê de pirsgirêkên cidî derxe."
Parêzer Çetîn anî aziman ku divê ji bo pêvajoyê xebatkarên darazê bên îkna kirin û ew jî tevli pêvajoya çareseriyê bibin û wiha axivî: "Divê hemû guhertinên ku li meclisê tên kirin, li nav civakê pratîze bibin. Muwekilê min di hilbijartinan de li hember cudakariya etnîkî derketiye û peyamên aştî û biratiyê daye. Ev yek jî bi zimanê Kurdî pêk aniye. Li hember guhertinên qanûnî dijberiya dazarê şermeke mezin e."
DÎHA/ÎZMÎR