Li Herêma Kurdistanê bajarê Hewlêrê bi armanca alîkarî dayîna gelê Rojava ‘Desteya Alikariya Gelê Rojava’ ya bajarê Hewlêrê bi heyeta PYD’ê re hevdîtin pêk anî. Di hevdîtinê de rewşa Rojavayê Kurdistanê hate axaftin. Hevserokê PYD’ê Salih Muslim di derbarê rewşa siyasi, aborî û deriyê sînorê Rojava-Herêma Kurdistanê û girêdayî heman mijarê hevditinên kû heyeta PYD’ê bi partîyên siyasî û saziyên civaka sivil yên Herema Kurdistanê re çêkirîn re agahî da Desteya Alikariya Gelê Rojavayê Kurdistanê ya bajarê Hewlêrê.

Endamên Desteya Alikarîya Rojavayê Kurdistanê soza alîkariyê dan heyeta PYD’ê û diyar kirin ku tişta ji destê wan bê, ewê bi awayek herî çalak bikin.
Endamê desteya alîkariyê Elî Mehmûd piştî hevdîtin bi dawî bû diyar kir ku  pêwîste Hukumeta herêmê û hemû partiyên siyasî û saziyên civaka sivil yên Herêma Kurdistanê li hemberî rewşa rojava şiyar bin û ji bo çareseriya hemû pirsgirêkên gelê Rojava, bi taybet ji bo deriyê sînor tişta ji destê wan tê pêwîste demek ji ya din zûtir bikin. Mehmûd  got kû eger Kurd  li hev xwedî dernekevin dibe kû ev firsenda dîrokî carek din bi destê Kurdan nekeve. 

DÎHA/HEWLÊR