Ji bo Azadiya Ocalan çalakî

Sazî û meclîsên li Şengalê doh bi daxuyaniyekê helwêsta hikûmeta AKP’ê şermezar kir, da zanîn ku ew dest bi greva birçîbûnê dikin û got; "Em dixwazin Rêberê me li nav me de be." Berdevkên Meclîsa Jinên Şengalê, Meclîsa Avaker a Êzîdiyên Şengalê, Partiya Azad û Demokratîk a Êzîdiyan (PADÊ) û Meclîsa Ciwanên Şengalê daxuyaniya hevpar dan.

Ji Meclîsa Jinên Êzîdî, Neam Eliyas daxuyanî xwend û got, "Em azadiya rêber Apo dixwazin û bila parêzerê wî biçin cem wî, bila bê deng nemînin. Rêber Apo rêberê mirovahiyê ye û rêberê gelê bindest e. Em dewleta Tirk û Erdoxan şermezar dikin. Çawa vê tecrîdê giran dike li ser Rêber Apo ku em bi fikir û felsefa Rêber Apo niha dijîn û li ser piyan in. Em dixwazin agahî ji Serokê xwe bigrin."

Neam Eliyas got, heta ku ew agahiyê ji Ocalan bigirin, ew ê çalakiya greva birçîbûnê dewam bikin û wiha peyivî: "Hertim û heya dilopa xwîna xwe ya dawiyê em ê li pey şopa Serok Apo bin. Ev miletê niha li çiyayê Şengalê dijî, bi saya fikir û ramanê Rêber Apo mane. Heya azadiya Rêber Apo em ê li ser piyan bin."

Çalakiya ji bo azadiya Ocalan 

erka insanên Êzîdî ye

Li ser navê Meclisa Avaker a Şengalê jî Xidir Salih peyivî û got, "Li wargeha pîroz, Şengala birîndar ji zaroka bigire heya dayika li ser piyan in ji bo azadiya Rêber Apo, ez dibêjim ev erkek e li ser milê her insanekî Êzîdî. Ji ber ku îro yê li Êzîdiyan xwedî derketî fikir û felsefa Rêber Apo bû û bi saya wê fikir û felsefeyê Êzîdîtayî hat parastin."

Xidir Salih îşaret bi tecrîdkirina şidandî ya Ocalan jî kir û got, "Ev bû salek û çend meh, em tiştekî jê nizanin û nahêlin hevdîtin pêre çêbibin û kes bi rewşa wî nizane. Em dikarin bibêjin, ew Mandelayê Rojhilata Navîn e û Gandi yê cîhanê yê duyemîn e, heger em li vê fikirê û felsefê xwedî derneketin Rojhelata Navîn wê ber bi astengî û nexweşiya ve biçe. Ew fikr û felsefe ji bo hemû gelên bindest e û di serî de jî ji vê kirîza Rojhilata navîn re."

 

Li ser navê PADÊ jî serokê wê Qehtan Elî daxuyanî da û got, "Em bang li gelê Kurd û herçar parçeyên Kurdistanê dikin ku çalakiyên cûr bi cûr li dar bixin û nesekinin heya azadiya Rêber Apo pêk were. Bila herkes vê zanibe, heya Rêberê me azad nabe em azad nabin. Sekin û sitara me bi fikir û felsefa Rêber Apo ye."

Em ê nobeta şev û rojê bigirin

Ji Meclîsa Ciwanan Mahir Mejdel jî got, "Niha dewleta Tirk û hevkarên xwe xeta sor derbas kirine, em ji navenda Şegalê nameyekê ji dijminê mirovahiyê, ji dewleta Tirk û hevkarên wê re dişînin û dibêjin heya ku em rewşa Serokê xwe zelal nekin û tu agahî jê nizanibin, em ê di çalakiyên herî mezîn de bin, em ê nobeta şev û rojê bigirin.”

Daxuyanî bi gotina dirûşmên "Bijî Serok Apo" û "Azadiya Serok Azadiya hemû gelê Bindest e" bi dawî bû.

Parlamenterê Gorranê Bêstûn Faîq got, navnîşana çareseriyê li Baurê Kurdistanê Rêberê Gelê Kurd Abdulllah Ocalan e.

Faîq da xuyakirin ku ji nû ve destpêkirina diyalog û muzakereyên bi Ocalan re, wê bersiva herî rast a ji bo deklarasyona çareseriyê ya KCK'ê be.

Parlemanterê Gorranê Bêstûn Faîk, deklarasyona çareseriyê ya KCK'ê û êrişa li Dîlokê nirxand û got, divê dewleta Tirk rêya zext, şîdet û şer derhal biterikîne û bersiveke erênî bide deklarasyonê.

Bêstûn Faîq got, "Gava destpêkê, rakirina tecrîda li ser Ocalan û ji nû ve destpêkirina diyalog û muzakereyê ye." Faîk da zanîn, pirsgirêka Kurd bi gavên yekalî çareser nabe.

Parlamenterê Tevgera Gorranê Bêstûn Faîq diyar kir, hêzên bang li KCK'ê kirin, divê ji niha û pê ve bi berpirsyariyên xwe rabin û  zextê li aliyê din bikin da ku bi berpirsyariya xwe rabe û weha dewam kir: "Eger tê xwestin pirsgirêk were çareserkirin, divê yekser bi Ocalan û bi KCK'ê re diyalog were kirin. Ji bilî vê, ti rêyeke çareseriyê nîne."

Bêstûn Faîq êrişa li Dîlokê jî şermezar kir.