PÇDK, ji bo balê bikşîne ser rewşa li Rojavayê Kurdistanê û bang li hikûmeta herêmî bike û wezîfeyên xwe yên neteweyî li pêşberî Rojava bicih bîne, li Parka Samî Abdûrrahman daxuyaniyek da çapemeniyê. Di daxuyaniyê de nûneên PYD, BDP, Yekitiya Jinên Welatparêz û Tevgera Ciwanên Welatparêz jî amade bûn.
Daxuyanî ji aliyê Hevseroka PÇDK'ê Necîbe Omer û endamê Desteya Rêveber Mam Hejar ve hat dayîn. Di daxuyaniyê de ji hikûmeta herêmê hat xwestin ku deriyê sînor ê Sêmalka bê şert û merc li Rojavayê Kurdistanê veke û ji hikûmetê hat xwestin ku li gorî berjewendiyên neteweyî tevbigere.
Di daxuyaniyê de bang li PDK'ê jî hat kirin ku dest ji helwestên parçekirina Rojava berde û hat gotin; "Divê hikûmeta herêmê tedbîrên pêwîst bigire ku ciwanên Kurd ên li Başûr neyê xapandin û li Rojava li dijî xwişk û birayên xwe şer nekin. Pêwîste rê nedin tevnên çeteyan ku li Başûrê Kurdistanê bixebitin."

Li dû daxuyaniyê, girseya gel ber bi Parlamenta Herêma Kurdistana Federal dest bi meşê kir.


HEWLÊR