Hefteya derbasbuyî bi daxuyaniya nivîskî a Komisyona Malbatên Şehîd û Wendahiyan, malbata Geçer pistî 16 salan agahdar bû ku Yilmaz Gecer (Diyar) di şer de jiyana xwe ji dest daye. Yilmaz Geçer di 12'ê Gulana 1997'an de di pevçûnekê de, tevî 27 hevalên xwe li zozanên Zûavê ê Bedlîsê jiyana xwe ji dest da. Piştî agahdarkirinê malbatê li bajarê Almanyaya Aachenê, li mala Kurdan sersaxî qebûl kirin. Piştî sê rojan sersaxiyê, merasîm hat lidarxistin. Merasîma bi beşdariya nêzî 200 kesî, bi yek deqe rêzgirtinê destpê kir. Di merasîmê de li ser navê Meclîsa Aachenê Alîşer bi xêr hatina mêvanan kir û got; "Şehîdên tu netewi ne weke ê me ne. Ji ber ku şehîdên me li gel zor û zehmetiyên ku kişandin jî, gotina wan î dawî bû ye' Li ser tirba me deyndarê gelê xwe ne binivîsin '.

Li ser navê malbatê Huseyin Demir û Kazım Geçer jî axivin û got in: "Rêya wan a şeref û namûsê ye. Em bi şehîdê xwe ser serbilind in“.
Bavê Yilmaz Geçer Mamoste Fizan Gecer  jî bixêrhatin û sipasdariya hemû mêvanan kir û helbesta bi navê "Oxir be ji te re Diyarê min“ xwend.  Dayika Eyşê Geçer jî ligel ku di vegotina hestên xwe de zehmetî dikşand wiha axivî:“ Îro daweta lawê min e lê lawê min nedinavde ye û Diyarê min nedît ku Amed bû paytexta Kurdistan. Lê Diyarê min û hevalên xwe ew rê vekirin. Ji bo wê jî Diyar ne tenê şehîdê min e, şehîdê hemû gelê Kurd e."
Ligel axaftinên malbatê, siyasetmedar û kesên mîna Serokê KNK'ê Tahir Kemalîzade, Serokê PJAK'ê Hecî Ehmedî, Liser navê Malbatên Şehîd û Wendahiya Ali Omer, li ser navê UTAMARA Sultan Oger jî axaftin kirin û sersaxiya malbatê xwestin. Piştî axaftinan  Slayta di derbarê jiyana Yilmaz Geçer (Diyar) de hat temaşekirin û merasîm bi belakirina xwarinê bi dawî bû.


EVÎN AKSOY / AACHEN