Navenda Çand û Hunerê ya MED'ê ya xebatên xwe li Stenbol dimeşîne kursên tembur, gîtar, şano, govend û kursên zarokan vekirin û xebatên wan berdewam dikin. kursên rastî eleqeyeke mezin tên dê rojên pêş kursên keman û wêneyê bên zêdekirin. Ligel xebatên kursê komên mizûkê yên ji xwendekaran pêk tên perwerdehiya taybet didin zarokan. Koma Tembura Mezopotamyayê ya di bin banê navenda çandê de hatî avakirin ji xwendekaran pêk tê. Koma salek berê hate avakirin li bende endamên nû ne.

Ligel xebatên çand û hunerê xebatên ziman û wêjeya Kurdî jî didomin. Li navenda Çand û Hunerê ya MED'ê di mehên havînê de ji bo zarokan kursa ziman vekirin.
Xebatkarê Navenda Çand û Huner MED'ê Fesîh Tekîn, bang li hemû kesên dixwazin hînî çanda xwe bibin kir ku tevlî xebatên wan bibin û diyar kir ku ligel kursan perwerdehiya zimanê zikmakî jî dîdin û wiha got: "Berê herî tiştî em li ser xala kes xwe veguherîne dirawestin. Dema ev hate kirin dê xwendekar xwe biguherîne. Xwendekareke me di nava du mehan de hem hînî tembûrê û hem jî hînî gotinê bû."
Li navenda çandê projeyeke helbestan jî tê meşandin. Projoya ji aliyê saziyê ve tê meşandin helbestên ji girtîgehan hatin berhev dikin û dê bikin pirtûk. 300 helbestên ji tirkî, Kurdî û farisî pêk tên dê bînin cem hev û pêşkêşî xwendevanan bikin. 

STENBOL