Komkujî li gundên Granij, Ebu Hamam û Kaşkiye yên ser bi Der ez-Zor hatiye kirin û endamên eşîrê yên hatine kuştin, bi giranî serê wan hatine jêkirin. Di nava kuştiyan de 100 şervanên eşîrê jî hene, lê belê yên din hemû sivîl in. Aqûbeta hezar û 800 kesên di dema komkujiyê de ji aliyê çeteyan ve dîl hatine girtin jî, nayê zanîn.


14 sivîl mirin
Li gelek tax û deverên bajarê Helebê şer û pevçûn ji aliyekî ve û êrîşên balefirên rêjîmê ji aliyekî din ve berdewam in. Herî dawî balafirên rêjîmê taxên yên bi ser taxa Şêxmeqsûd ya bajarê Helebê bi bermîlên teqemenî û rokêtan êrîş kirin. Gelek bajarok û gundên li rojhilatê Helebê jî hatin topbarankirin. Di encamê de herî kêm 4 welatiyên sivîl mirin û gelek jî birîndar bûn.Çekdarên opozîsyonê jî bi topên hawanê taxên di bin kontrola hêzên rêjîmê de ne, topbaran  kirin û 10 welatiyên sivîl jiyana xwe ji dest dan û gelek jî birîn darbûn‫.‬

Hemleya El-Ekrad
Li derdora bajarokê Soran, Exterîn, Ezaz û gundê Erşaf ên li bakurê Helebê di çarçoveya Hemleya Eniya El-Ekrad di bin navê “dilsoziya bi şehîdên bajaroka Exterînê re” di navbera Tugaya Eniya El-Ekrad li rex hin tabûrên opozîsyonê û çeteyên DAİŞ‘ê de şer rû dan‫.‬ Derbarê van pevçûnan de tu agahiyên zelal nehatin bi dest xistin. Li gundê Tirkman Barih ê nêzî bajaroka Exterînê ye ku dibin kontrola çeteyên DAIŞ’ê de ye, tirimpêleke bombebarkirî hate teqandin û 7 çete hatin kuştin. 

ANHA/HELEB