‘Pêvajoya komkujiyê dest pê dikin’
Kaya, bal kiyand ser operasyonên siyasî û wiha berdewam kir: „Her roj her roj gelê me bi binçavkirin û girtinê hişyar dibe. Her roj siyasetmedarên kurd tên binçavkirin û girtin. Li ser gelê me teror tê meşandin. Di şexsê Rêber Apo de li ser gelê me komkujiyê didin meşandin.“
Kaya, bang li gelê kurd, hêzên demokrasî û gelê Tirkiyeyê kir ku li hemberî vê qirkirina mirovahiyê bêdeng nemînin. Kaya, ji her kesî xwest ku têkoşîna rûmetê bilind bikin û li hemberî pêkanînên ku rûmet, demokrasî û azadiyê dixin bin piyan dengê xwe bilind bikin. Kaya, di daxuyaniyê de bang li malbatên girtiyan û gelê kurd kir û xwest li hemberi vê binpêkirina rûmetê rabin serhildanê û li nirxên xwe xwedî derkevin. Kaya, dîsa bang li hemû malbatan û gelê kurd kir du di roja 9‘ê cotmehê de her kes derkevin kolanan û 9’ê Cotmehê şermezar bikin. Kaya, destnîşan kir ku li hemberî vê pêkanîne bêdengî nayê qebûl kirin û bêdengî tê wateya piştgiriyê.
‘Dawî li vê pêkanînê bînin’
Kaya bang li rayedarên hikûmetê û dewlete jî kir û xwest dawî li van pêkanînan bînin. Kaya, da zanîn ku ger ev pêkanîn bi dawî nebin dê encamek pir xerab derkeve holê û wiha dawî li daxuyaniyê anî: „Em disa hişyar dikin û dibêjin dawî li pêkanina li ser Rêber Apo bînin. Azadî û tenduristiya Rêber Apo hinceta aştî û şer e. Pêkaninek neyînî ya li hemberî Rêber Apo dê encamên pir xerab derxe holê. Ji ber vê yekê em bang li rayedarên Tirkiyeyê û raya navneteweyî dikin ku dawî li van pêkanînan bînin.“
DÎHA/NAVENDA NÛÇEYAN