Heyeta DOKH'ê li Hewlerê ji aliyê emdama Hewldana Konferansa Jinên Kurd Şîrîn Amedî ve li parlementoyê hate pêşwazîkirin. Heyeta ku di nav de parlementera BDP'ê ya Qersê Mulkiye Bîrtane, Şardara Dêrikê Çaglar Demîrel, Şaredara Bîsmîlê Cemile Emînoglu, Seroka SES'ê ya Amedê Hulya Uyanik Serokê giştî ya TUHAD-FED'ê Zubeyde Teker jî heye beşdarî civîna parlementoyê bûn. Heyet jî beşdarî niqaşên têkildarî opersyonên Tirkiye û Îranê yên der sînor bûn. Di civînê de Parlementera BDP'ê ya Qersê der barê niqaş û axaftinan de diyar kir ku wan di niqaşan de aniye ziman ku êrîşên Tirkiye û Îranê yên di meha remezanê de ne li gorî îslaliyetê ye û di tu sincan de nayê qebûl kirin. Bîrtane, anî ziman ku helwesta Erdogan ya di meha rojiyê de li dijî olê Îslamê ye û di hedefa Tirkiye û Îranê de ne tenê PKK, her wiha neteweya kurd heye. Bîrtane, anî ziman ku di niqaşan de hate diyarkirin ku tê xwestin ku kurd bê nasname bên hiştin û yekîtiya xwe ya neteweyî bi dest neşin û bi vê armancê êrîş pêk tên. Bîrtane, da zanîn ku hate gotin ku PKK'ê bi dehan caran agirbest îlan kir, lê dîsa jî Tirkiyeyê li dijî PKK'ê di şer de isar kiriye û li dijî PKK'ê operasyonan berdewam dike.

Ji bo plana çalakiyê komîsyon
Bîrtane, destnîşan kir ku di civînê de ji bo rê li pêşiya êrîşên dersînor bê girtin û komîsyon hatine avakirin û dîsa peyvira Hikûmeta Iraqê ya parastina sînoran hatiye bibîrxistin. Bîrtane, da zanîn ku 2 komîsyon hatin avakirin û komîsyon dê di rojên pêş de plana çalakiyên xwe aşkere bikin. Bîrtane, bilêv kir ku dê sibê biçin gundê Kortekê yê ku jê 4 zarok bi tevahî 7 welatiyên sivîl lê hatin qetilkirin ziyaret bikin.

Bi Kerkukî re hevdîtin pêk anî
Heyeta jinan, piştî rûniştinê bi Serokê Parlamento Kemal Kerkukî re li cihê wî de hevdîtin pêk anî. Bîrtane, di derheqê hevdîtina bi Kerkukî re jî agahî da û wiha axivî: "Di demên wisa girîng de pêdiviya yekîtiya netewiya kurdan heyê. Me ji Kerkukî re got em ji bo li darxistan konferansa Neteweyî ya jinan û gelemperî em ê hevdîtina pek bînin. Her wiha me ji bo welatiyên sivîl ên di êrîşa Tirkiyê ya hewayî de jiyana xwe ji dest dan sersaxiya Serokê Melîsê Kerkukî xwestin. "

'Êrîş bi piştgiriya Amerîka pêk tê'
Bîrtane, da zanîn ku Sorekê Parlamentoya Herêma Federal a Kurdistanê Kerkukî jî, gotiyê konferansa neteweyî vê demê de bi darxistin wê girîng bê. Bîrtane, diyar kir ku, Kerkukî aniyê ziman ku ew ê ji bo qetliyama li ser kurdan pêk tê nîşa hemû cîhanê bikin wê bikevin nav hewledanan û Kerkukî ji bo êrîşa Tirkiyê ya hewayî got bi piştgiriya Amerîka pêk tê.

Her wiha heyeta jinan, dê sibê biçin navçeya Ranyayê ya Suleymaniyeyê û ji wir biçin şîna malbatên di êrîşê de jiyana xwe ji dest dayê. Pişt re jî heyeta jinan wê ji bo Konferansa Jinan ya Neteweyî li Dohukê hevdîtinan pêk bînin.

DÎHA/HEWLÊR