Li Tirkiyeyê ji ber mayînên çandî nayên komkirin, gelek welatî û zarok bi mayînan jiyana xwe ji dest didin. Di şerê ku 30 salin didome de gelek welatiyan bi mayînan jiyana xwe ji dest da. Di hefteyamafê mirovan ku Tirkiye di 10'ê kanûna 1948'an de Danezana Mafên Mirovan a Neteweyên Yekbûyî qebûl kir de, ÎHD û TÎHV'ê rapora mayînan aşkere kir. Ligel ku Tirkiye peymana Ottawa 20 sal berê qebûl kir jî dîsa mayînên çandî hêj nehatine komkirin.


Li serê her 10 kesan mayînek
Li gorî lêkolîna ÎHD û TÎHV'ê li Tirkiyeyê 15 hezar mayînên di tepo de hene. Hêjmara mayînên çandî yên di bin erdê dejî li gorî daneyên 2011'an 977 hezar û 163 hebin. Li sînorê Sûriyê 613 hezar 3u 715, li Sînorê Îranê 194 hezar û 755, li Sînorê Iraqê 69 hezar û 33, li Sînorê Ermenistanê 21 hezar û 856 mayinên çandî hene. Ji bilî vanan 77 hezar û 804 mayîn li nava Tirkiyeyê hatine çandin.
ÎHD'ê û TÎHV'ê da zanîn ku li Êlih, Çewlîk, Amed, Colemêrg, Mêrdîn, Sêrt, Şirnex, Wan û gelek cihên din li ser axa wan mayîn hatine çandi. Di raporêde dra zanîn ku li Erdexan, Êlih, Amed, BLazîd, Dîlok Colemêrg, Îskenderûn, Kaxizman, Qers, Mêrdîn, Sêrt, Riha, Şirnex, Dêrsim û Wanê li 15 navendan ji her 10 mirovan mayînek dikeve.  Vakfa Mafên Mirovan a Tirkiyeyê (TÎHV), jî anî ziman ku di navbera 1'ê Cile û 30'ê Îlonê de di teqîna mayînan de 16 kesan jiyana xwe ji dest dane û 37 kes jî birîndar bûne. TÎHV'ê da zanîn ku di teqandina mayînan de jî 14 kesan jiyana xwe ji dest da û 15 leşker 91 sivîl bi tevahî 106 kes birîndar bûne. 

DÎHA/AMED