Daxwiyanî li dibistana Ş. Jiyan ji aliyê xwendevan Zahide Yilmaz ve hat xwendin. Di daxwiyaniyê hat gotin ku di Rojhilata Navîn de geşedanên ku çêdibin jibo gelê Kurdistanê jî avantajên nû ava kirine. Têkoşîna gelê Kurdistanê ya bi pêşengiya Rêber APO û Tevgera Azadiya gelê Kurdistanê ku ev 35 sal in bi PKK’ê dest pê kir û hatiye meşandin heyanî roja me ya îro ligel bi hezaran şehîd, girtin, çewisandin, koçberî û têkoşîneke bê hempa xwe gihandiye asteke gerdunî û navneteweyî, dîroka gelê Kurd a dibin zextan de mayî û nehatiye nivîsandin bi pêşengiya PKK’ê jinû ve hat nivîsandin û li cihanê hat belavkirin. 

Divê hîn zêde nirx bêne parastin

Herwiha di daxwiyaniyê de hat diyarkirin ku êrîşên herî dawî yên yên li Kobanê li hemberî sivîlan û Heyva Sora a Kurdistanê hatî pêşxistin ji bo me hişyariyeke parastina nirxên me yên netewîne. Herî dawî di daxwiyaniyê hat gotin ku em wekî xwendekar, mamoste û kedkarên perwerdeyê yên Wargeha Şehîd Rûstem Cûdî rêveberiya demî ya Rojavayê Kurdistanê li hemû gelê Kurdistanê pîroz dikin, em diyar dikin ku jibo her awayî alikarî û desteka ku pêwîst bike xwe amede û erkdar dibinin. Jiber vê yekê dubare kêfxweşî û dilnaziya xwe ya ji bo gelê Rojava tînin ziman û rêveberiya demî di serîde li Reber APO gelê Kurdistanê û li berxwedêrên azadiyê piroz dikin serkeftinên bê hempa dixwazin. Daxwiyanî bi sloganên bijî “Berxwedana Rojava, bijî YPG”ê dawî bu.

MEXMÛR