Navenda Çanda Mezopotamyayê, li dijî polîtikayên bişaftina çandê dest bi hewldanên parastina sitranên gelêrî kirin. Ji ber ku gelek stranên kurdî yên ku wekî gelêrî tên zanîn û aydî gel in, her wiha bi sedsalan bi devkî û awazên dengbêjan heta îro hatine, rastî polîtikayên bişaftinê hatine, wekî berhemên tirkî tên binavkirin. Ji ber ku stran wergerî tirkî hatine kirin, tê xwestin ku wekî berhemên tirkî bê naskirin. Lê çanda stranan ku wekî berhemên wêje û dîrokî yên gelê kurd tê zanîn bi hezar salan in bi devkî heta îro hatiye û li ser piyan maye. Endamên Şahiya Stranan piştî lêkolînek dûr û dirêj pêk anîn tesptît kirin ku 5 hezar sitranên kurdî wergerî tirkî hatine kirin. Enamên Şahiya Sitranan diyar kirin ku li dijî çanda kurdan 20 sal bere polîtîka qirkirin û bişavtina çandê dest pê kir. Endamên NÇM’ê anîn ziman ku ji bo li dijî vê polîtîkayê bêjin „Bes e“ û dest bi hewldana parastina strana kirine.

39 stran ji nûve bi kurdî hatin nivîsandin
NÇM’ê diyar kir ku li gorî lêkolînê wan 5 hezar stranên kurdî wergerî tirkî hatine kirin û endamên NÇM’ê Rojda, Alî Geçîmlî, Ayfer Duzdaş, Hivda Gokel, Farqîn, Meral Tekçî, Genim, Nurcan Degîrmencî, Mehemede Serhedî, Bulent Turan, Çiya, di bin navê Şahiya Stranan de dest bi lêkolînê kirin. Komê piştî Şahiye stranan 1 û Şahiye Stranan 2 çap kirin, niha jî ji bo çapkirina albuma Şahiya Stranan xebatê dimeşînin.

Komê di albuma 3’emîn de 39 sitranên kurdî bi cih kirin
Endamê komê Çiya, diyar kir ku ji ber polîtîkayên bişaftinê û qirkirina çandê bi hezaran berhemên kurdî derbasî nava tirkî bûne û niha wekî berhenêm tirkî tên zanîn.
Çiya, anî ziman ku ew armanc dikin ku stran û çanda muzîkê ya devkî li hemberî polîtîkayên bişaftinê biparêzin û wiha got: „Bi salan berê gelek berhemên kurdî wergeri tirkî hatin kirin û wekî malê xwe dan nîşan. Stranên me li gorî xwe werger kirin û li wan xwedî derketin. Lê em niha wan dîsa tomar dikin û diparêzin.“
Çiya, anî ziman ku ew dê 5 hezar stranên ku wergerî hatine kirin ji nûve binivîsin û wiha axivî: „Heta niha me 39 stran ji nûve nivîsand û tomar kir. Ev stranên me bi salan in wekî çanda tirkî tê nişandan. Lê ev stran li ser axa Kurdistanê aj bûne.
Koma Şahiya Stranan, diyar kir ku dê van stranan di 3’ê îlonê de di 20’emîn salvegera şahiya NÇM’ê de di kansorê de bistrên.


SADIK TOPALOGLU - ÇAGDAŞ KAPLAN/DÎHA