Li ser banga Komîteya Piştgiriya Şoreşa Rojavayê Kurdistanê 13 partî û rêxistinên sivîl ên Başûrê Kuristanê civînek lidar xistin. Civîn bi beşdariya Partiya Zehmetkêşan Kurdistan, Partiya Sosyalîst a Demokrat a Kurdistan, Kongreya Netewî ya Kurdistanê (KNK), Rêxistina Mafê Mirovan a Kurdistanê, Cemaeta Îslamî ya Kurdistan, Yekîtiya Îslamî ya Kurdistan, Însiyatîva Civaka Sivîl, Şoreşa Parastina Maf û Azadiya Kurdistanê, Xwendekar û Ciwanên Pêşerojê, Partiya Muhafezakaranî Kurdistan, Partiya Çareserî ya Demokrat a Kurdistan (PÇDK) û Partiya Pêşeroj a Kurdistan li navenda Partiya Zehmetkşanî Kurdistan a li bajarê Silêmaniyê hate lidar xistin.
Rêxistinên Başûrê Kurdistanê di civînê de piştgiriya xwe ya bi rêvebiriya xweseriya demokratîk a Rojavayê Kurdistanê re nîşandan û biryar dan ku ji bo piştgiriyê çalakiyan lidar bixin. Partiyan di dawiya civînê de daxuyaniyeke hevbeş weşandin û rêvebiriya xweseriya demokratîk a kantonên Cezîrê, Kobanê û Efrînê pîroz kirin. Partî û rêxistinên Başûrê Kurdistanê di daxuyaniya xwe de dane zanîn ku erkên wan ew ku van destkeftiyên Rojavayê Kurdistanê biparêzin û pêş bixin.
SILÊMANIYÊ
