Di daxuyaniyê de hate destnîşankirin ku, şoreşa Sûriyeyê dikeve sala 3’an, lê planên û polîtîkayên ku îradeya gelê Kurd a li Rojavayê Kurdistanê derketiye holê qebûl nakin hîn jî didomin. Bi daxuyaniyê de hate gotin ku, revandina 2 şervanên YPG’ê û radestkirina wan a ji bo Tirkiyê jî perçeyek ji van planane wiha hat domandin: “Komên çekdar jî nokeriya van hêzên derve dikin. Hewldanên van koman dewam dikin. Kiryarên erzan û dijmirovahiyê li hemberî gelê me dikin. Ji bilî dijberiya gelê Kurd û îxanetê tiştekî ku bikin tune ye. Hewldanên wan nerawestiyane û tevlî hemû hişyariyên hatine kirin, planên xwe yên îxanetê didomînin. Ev planên wan gihiştine wê astê ku 2 şervanên gelê Kurd bigirin û radestî dewleta Tirk bikin. Li gundên Basûtê û Birc Ebdalo yên Efrînê 2 şervanên YPG’ê girtin û rasdestî îstîxbarata tirk kirin.”
Beriya niha jî xiyanet
Tevgera Civaka Demokratîk (TEV-DEM) di dawiya daxuyaniyê xwe de destnîşan kir ku ev kiryar xalek ji beşên îxanetê yên berê yên van komane û ev tişt hatin gotin: “Beriya niha jî li Eşrefiyê, Efrîn, Kobanê û Cizîrê ev xiyaneta wan hate dîtin. Ev kiryarên wiha li dijî biryara avakirina Komîteya Pispor a Leşkerî ya Desteya Bilind a Kurd. Ev komane bi van kiryaran girêdana xwe ya bi hêzên derve re mîsoger dikin û îxaneta xwe nîşan didin. Em wekî TEV-DEM bi hêza gelên xwe yên li seranserî welat van koman hişyar dikin û ji wan re dibêjin ku, dest ji kiryarên bi vî rengî berdin. Her wiha em dibêjin ku emê rê nedin kesên xayîn û aqilmendên wan ku bi destkeftiyên şoreşa gelê me bilîzin. Bedela wê çi dibe bila bibe em dê nirxên gelê xwe biparêzin û nahêlin ku tu kes pêşketina gelê me rawestîne.”
ANF/QAMIŞLO